SABURI 149
149
Nganiseny vakunde
1Haleluya!
Imbyeny Nndumi Iruva kiimbo kiiya.
Nnduma wakwe ukwaani efo vanduny vakwe vakunde.
2Israeli nakyese neeto alemuumba.
Vana va Sioni vafure neekabya mangyi yaawo ukoru.
3Vang'anise irina lyakwe veekyesaa, vamwiimbye,
vefinaa mbasa na kinanda kya ura.
4Mashika Nndumi Iruva mmbo afurye na vandu vakwe;
Kavika yewo vafoo ureto lwa ukiro.
5Vandu vesha vakyese na itumbe lyakwe.
Veembe na nsia nniini kyeeri valele.
6Nnduma nniini nnu wuuke kaniny kyawo,
Na usu lwa nkwakuvii efo wokony lwakwe
7Naambo nataiye vandu va masanga kiduva
Nataiye vandu ukasha lwawo.
8Na vamangyi vawo vaavikwa na mise ya minya
Na vasongoru vawo vafingwa na bangilyi ta minya.
9Itaiya vandu va masanga efyo fikee fivavasye.
Yelo llo wiindi lwa vesha vakwe woose.
Haleluya!
Actualmente seleccionado:
SABURI 149: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
