SABURI 138
138
Kiterewo kya kyaanu
1Mmbo nshekwaanaa na nrima wakwa moose;
Shikwiimbye fiimbo fya saburi maruva moose neete.
2Mmbo nshekwiinndya efo mmba yafo sheele.
Mmbo nshaanaa irina lyafo
Kimaruma kya ilyillya lyafo na usha lwafo
Kimmba kulenangisa kyaasa kyafo,
Ngota irina lyafo.
3Kyeeri shilekuvaanga mmbo kuleshiirikya;
Kwashiviirya muu neeshivika finya.
4Vamangyi woose va ulana mmbo vashekurumishaa, woi Nndumi Iruva,
Elyi vasheetaa ekyo kulerera.
5Yee, mmbo vasheembaa kya mitannyi yafo,
Mashika itumbe lya Nndumi Iruva ni iniini.
6Nndumi Iruva mmbo akee uwe alollye yeto akunyiisye, lla elyi akee uwe deny,
Eekee kwaasha kavelollya neeto mwiikunganisa.
7Naakwa shaona ngatara yewe mmbo kwashiviiryaa muu,
Unyafi lwafo mbo lushelollyo kwa vakiduva vakwa.
Na woko lwafo usha mmbo lusheshaauwaa.
8Mbony takwa toose kushetivisaa woi Nndumi Iruva
Isarya lyafo llya llung'anu, woi Nndumi Iruva,
Kulare mashora afo eesarya.
Actualmente seleccionado:
SABURI 138: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
