SABURI 111
111
Uniini lwa Nndumi Iruva
1Haleluya!
Mmbo nshaanaa Nndumi Iruva na nrima wakwa moose,
Efo ikwaanuny lya yewova mirima myaa neefo shileny teru.
2Mashora a Nndumi Iruva mmbo akee maniini!
Kwa yewo woose valanngye yaamanya.
3Kyoose atana mmbo kitiri nnduma na usuri.
Na usumanu lwakwe lukakaa llung'anu.
4Kavevikau kyeekumbura mashora akwe a wende?
Nndumi Iruva mmbo akee mwiilyillya kaveva mwiisarya!
5Yewo veemwiindya mmbo avasimba kyeelya;
Kavekummbwa kyaasa kyakwe llung'anu.
6Mashora akwe akoora vandu vakwe wiidimi lwakwe
Kavaniinga Dingu efo vanduny va masanga.
7Mashora a maako akwe mmbo oora usumanu na dede,
Na mavavaso akwe akavikwa nsia,
8Mashika akee mavangise llung'anu,
Kimmba alerundwa kikee kya usumanu na dede.
9Mmbo alerikya vandu vakwe ukiro.
Kyaasa kyakwe kakivika kive kya llung'anu.
Nkyo irina lyakwe mmbo lyikee yeele lya yeerewa deny!
10Yiindya Nndumi Iruva nng'u urango lummye.
Veetana indo mmbo vatiri urango usha.
Nnduma wakwe mmbwa llung'anu!
Actualmente seleccionado:
SABURI 111: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
