FYAASO 18
18
1Mwiruya mbony takwe muni mmbo akaa kwaasha na vengyi,
Mmbo anyaasyaa deny kanningwa ikusaro isha.
2Nrung'ani nnyasennywaa ni urango fo;
Kwakwe kisha ni makusaro akwe muni.
3Kansha nravi mmbo kishee na kiila,
Amwi na sony nkushee usutu.
4Marero eedimaa iva usoka lwa urango usha;
Atiri kirori kyaasha sha yeeve sha soka ishiiritaa mura.
5Nshi kisha ikunndya nndu nravi fo
Na iima nndu nsaari usumanu fo.
6Marero a nrung'ani mmbo eendee mwaandu;
Wo kindo arera mmbo kisheendee ngapo.
7Kana ka nrung'ani mmbo kimmamitaa we muni;
Kana kyakwe ni nreiyo wa intira we muni.
8Marero a mwirera vengyi mmbo avakkye mboka irolaa
Isholokaa vyaa kutani yafika ndewuny.
9Nndu nroko ishoreny lyakwe
Ni mwanamaaye wa ulyamari.
10Irina lya Nndumi Iruva ni usiro lwa finya,
Nndu nsaari mmbo arishyany kakaa kippwa.
11Indi isimba mmbo likusaraa masaa nnyo turuve yakwe;
Kakusara mbu isimamba yaasha lya iringa.
12Ukushobi lwa nrima lwendee urumato;
Indi iviiri mmbo lyeendee utore.
13Irouwa kulaore kwa mmaarannya
Ni urung'ani na kindo kya sony.
14Muu wa nndu wiidimaa isisirya ndwari,
Indi kwamfwa nrima mmbo kushiidimaa inda?
15Nndu atiri urango mmbo aruuyaa umanyo.
Kuri kya nndu ntele mmbo karuuya umanyo.
16Kindo kya pya mmbo kiruyaa nndu mwaango;
Mmbo kiidimaa ifita nndu mbee ya vaniini!
17Yeto mwiipooka irera mwaandu wakwe
Mmbwe alollyo ni nsumanu,
kuuta elyi apooka iveswa ni yeto mwisyamwaandu.
18Kura nnyo irumbwaa kiwakyanu
Kyeeri vanini vavii vakewannya ushilyi.
19Mwanamaye wa nndu akee ntarami mmbo atiri finya sha turuve.
Indi kwasakya nawe mmbo ashekurayaa poo.
20Marero a nndu ashiidimaa immbutisa;
Kawonisa fyoose atinnyo.
21Ulumi lutiri finya ya iwaa na iruta,
Vekunda irunda nalo vawonaa ndunda ta vayo.
22Mwiwonisa nka nsaari, ankooya kindo kyaantu,
Ni ngarami yuukye kwa Nndumi Iruva.
23Ngwera mmbo iterevaa kwa wiiri;
Indi isimba likarouwa kwa unyaasi.
24Mbuya shiinyi tishiidimaa ituula nndu,
Indi kwiifo mbuya vasaari ngota mwanamaye wa nndu.
Actualmente seleccionado:
FYAASO 18: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
