YOBU 8
8
1Bildadi, Mshuhi, karouwa Yobu:
2Mmbo kuseeraa mbony yeto kufike indii?
Kumandi indii marero afo avaa a ruu sha uraato?
3Nkyo mmbo kukusarye Iruva mmbo aimmbwaa usumanu?
Ao ndesa Iruva muni finya mmbo aimmbwaa udede?
4Kwa kooya vana vafo valerenngya Iruva,
we mmbo alevataiya kiiyani na uravi lwawo.
5Kwakooya kuruuya Iruva
kwamolokkya we Iruva muni finya,
6Kwakooya yewe kukee mwaa na mwoorotu ngoony yafo,
ndede Iruva mmbo ashekweekkyaa,
na ikuwonisya ando akusumani.
7Ra na elyi kwepooka ikaa na ufwafwa,
muu wafo ushaa usheva wa usuri mmwaasi.
8Kuloshe dwa kwa yewo valekusongoya,
lattya nnu filya vamiku yewo valesonngwa imanya
9Yese n vandu va ishoisho nsi, nta kindo luishi-fo;
mikonu yeeru ulaninyy n kirishe kishiiraa veru.
10Indi wo vakuloshaa na ikuvia,
mbony vekooya yuuta efo urangony lwaawo:
11Makongye nyamyaa ando kulatiri mura fo,
nta nyakooywaa ando kulaiyo mbora fo.
12Naakwa avaa na kulaore avevaa,
akantura mura mmbo anaa mbee ya mare engyi.
13Ni indo vakee woose varekywaa Iruva.
Ivika nsia lya valakusirye na Iruva lyisherekaa.
14Kikusiryo kyao kyifikafikaa,
ivika nsia lyawo ni ruu lwa mbuu-mbuu.
15Mmbo vakee kuinamire mmba yawo indi nnyisalalaa fo,
vakaitiryau indi nnyikau fo.
16Mwi ukavaa we mmbo amyaa nisha;
mirarii yakwe ikaishwa nndeny m wakwe.
17Mirarii yakwe ikakoososa maweny
nawe keenda ilola efo nnang'ani ya mwaamba.
18Indi kammamitwa yuuka ando akwe,
llyo mmbo amminaa ambye, “N shilenkoya ikulolya-fo.”
19Lola, eto nto ufishyiony lwa ifura lya nndu yeto,
na ando awo mmbo vamayaau vwengyi.
20“Lola, Iruva nnyalemaa nndu nalatiri ulyamari-fo,
nta yeekkya varavi.
21Indi mmbo ashiishuraa kana kyafo seko,
na firomu fyafo unyanga lwa ifura.
22Valya vakusuuye vashevoywaa ni sony,
ando a varavi mmbo ashesamaa deny.”
Actualmente seleccionado:
YOBU 8: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
