YOBU 16
16
1Llyo Yobu karouwa:
2Mbony sheeto mmbo shilentiita kyeengyi;
yeni mmbo mukee veeviryamuu valya valyisaa vandu ukyiva.
3Ufishyony lwa marero awo a ruu ni indii?
Ao nkyokyi kishiidima ikuna nndu arouwe?
4Kukooye yeni mwekee sha yeny, na yeny shive mmbwe yeni,
sheshiidimaa irera sheeni,
sheidimaa ikusara marero akwaani, na iring'isa nrwe wakwa.
5Sheshiidimaa imuviirya muu na marero akwa,
1na marero akwa emuviiryaa muu.
6Indi shaamba mavavio akwa nnyakee malalya-fo,
na shasyado nta nnyakee enda-fo.
7Ni dede Iruva anshikurusa
kalyamara wo kindo kikee kufii.
8Kashalwa shanaa, na elo ni uvingyi lwakwe kwakwa.
Iniiya lyanshikooya
na ikureeka lyakwa kwakwe.
9Kashirandwa kwa unyafi lwakwe na ishisua;
kashisea mayoo,
na nkiduva akwa kashinduya miso.
10Vandu vakeeshinyala na ishiseka;
maronda kwa maronda vakee shirunguka,
na ishikapa ngyoi ngushuny takwa.
11Iruva ashivika maakony a vandu variiti,
na isheera maakony a varavi.
12Shekee ifureny indi kashifisha-fisha,
kashitumwa singo na ishipara fiparwe fiparwe
kashaalua kindo kya ikapa mife yakwe.
13Kashikapa mife uka taari shoose.
Kashipara syo alakee ishilyillya,
na udwa kapusua sumbai.
14Mmbo ashifisha na ishikapa lyingi na lyingi;
kashiwoya sha nsikari.
15Shakushonnya masara a makunnya,
usuri lwakwe shalweera kilulyiny.
16Kisangu kyakwa kyandodora kimaruma kya iiya,
fidongo fyakwa fyammba fyuu piti;
17Ra na elyi kulaore shallammya nndu na woko lwakwa,
na fiterewo fyakwa kwa Iruva n fyaa.
18Ewe ulana kulasikkye samu yakwa yapusuka;
kiiyo kyakwa nkikwaani wo ando.
19Shiishi na nshushwa shitiri nkureekyi wakwa iruveeu,
mwirera ando akwa akee efo uwe.
20Mbuya takwa vakeishiinyala;
shapusukwa m misoru shiterevaa Iruva.
21Nkyeni nndu eshireryaa mbee ya Iruva,
sheelyi kitanikaa ulaniny nnang'ani ya vandu vavii.
22Yee, myaaka yakwa myaangu,
neeny shisheendaa efo kulaore shivuyaa lyingyi.
Actualmente seleccionado:
YOBU 16: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
