YOBU 13
13
Irouwa lya Yobu likeiduva
1Lola, yefyo fyoose mmbo shilefilollya na miso akwa;
shaveefiita na maarwi akwa shimuni shaveitumuso.
2Fyoose mwiishi na yeny mmbo shivefiishi.
Yeny n shikee nndu mfwafwa-dwa-fo ngota yeni-fo.
3Indi mmbo shekundaa irera na Iruva muni finya,
shilanngye ikureeka mbee ya Iruva.
4Indi yeni mmbo mukeeiamba uteeri yeela;
yeni moose ni vaanga mulavaa nta kindo.
5Nkyeni mwemalallyaa sau,
kikusarwa sheelyi mukee vandu vatiri urango usha!
6Shaaranyiny ulaalu,
shaaranyiny shikuvikkye ukureekyi.
7A mmbo mukusarye mukerunndya Iruva mwireraa wongo?
Mukusarye irera kwa ntambo nkyindo kyemwekkya we?
8A ndesa mmbo mukeesa ikundya Iruva?
A ndesa mummbiiyaa vakurekyi mwanduny?
9A ndesa kumusairye eni mukkyaa?
Ao mmbo mukusarye mushiidimaa ilemba Iruva sha vandu?
10N kya usumanu we amukyemmyaa,
kwa kooya mushooraa kikundyo kirisi.
11A ndesa itumbe lyakwe llimweresye?
A ndesa m mukeewoywa mbwerei kimaruma kyakwe?
12Mirerye yaany n fyaaso fya ifu,
marero any turuve ta uteeri.
13Malallyeny, shirere,
Kishikooye yekyo kishikooyaa.
14Shiirikkye naakwa ni ireta muu wakwa;
15Iruva nashiwaa kankunda, nshitiri kyeretafo,
naakwa ni indo shishekureekya kya muu wakwa mbee yakwe.
16Kwa kooya shishiidimaa llyo shivaa shamvinga,
mashika nndu nravi n nashiidimaa yeenda mbee yakwe fo,
17aranyiny marero akwa na nshusshwa,
mavavasyo akwa naange maarwiny any nisha.
18Mwaandun wakwa mmbo shamudesya kisumani,
nkya dede yeny n shitiri kindo shirengyefo.
19Mmbi asheesa marero akwa?
Shiirikkye imalallya na ifwa.
20Iruva vakwa shimannya findo efi fivii tupu,
nshikusurumaa kwaasha neewe fo:
21Kya mbee shiutyau woko lwafo lukeshikapa,
na kulashimamite na weresi lwafo
22Pooka irera shikurouwaa.
Ao yeny shapooka neewe kurouwe?
23Kindo shirenngye na ulyamari lwakwa n lo kyi?
Shimanyissya kindo shirengye na ulyamari lwakwa.
24N kiki kukeallwa allwa kisangu kyafo kwaasha?
N kimaruma kyi kukeshitannya sha nkiduva wafo?
25A mmbo kusherese imburu likevivitwa ni uraato,
ao irishya muulu.
26Yewe mmbo kwaallwa mwaandu nroo,
kwaveshirika ulyamari lwa ukoo lwakwa.
27Kwashifinga mise marendeny,
kwavemanya myeengye yakwa myoose,
na ngyayo takwa kwativikkya ufishyo.
28Na yeny shafurumya sha nri upooye,
sha soori yalyiwa n kurukuru.
Actualmente seleccionado:
YOBU 13: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
