1 Kol 4
4
1Kye valesile vonda vatukagulage ukuta tuli vańivaha va Kilisiti unefwe nukuta tuli vimilidzi, avikwimilila idza kukińele dza Nguluvi. Tit. 1, 7.
2Neke avene avimilidzi vasihigwa lungi nda, lu lwa kuta nde vali vwidevulilo. Luk. 12, 42.
3Unene sinditigila lunu, ngana ndihigwa nambi ukweńu nambi kuluhigilo lwa vanu, pakuva unene sindikwihiga nambi june.
4Ndivwene unene sindi-kwivona lunu, neke ulu lusikumugudza nda, umuńa-kuńiga unene je mutwa.
5Kye ndesile nigilage mutane ukudzidumulila ṅani, ve sali kwave, mumulekage tândi adzage ju mutwa, je aladzimulika nidzifihime mukîsi na dze adzivonye ṅani munumbula aíadzisīkula umwene. Apo vonda valavedza nuluginyo uluhuma-kwa-Nguluvi na jula ulwakwe najula ulwakwe. 3, 8.
6Neke idzi, ńe vańa-lukolo, ndigite ukudziganula neke ndidzilungamike nukwangu na kwa Apolo neke ndivaganulye juńe, pakuta mudzelage apesu ulwa kuta: ubihile ukudzufya pa hve lwandikwe, pakuta mutane ukwitanga pakwitupika, pe mukuvalumbila avangi. Lom. 12, 3.
7Ndivwene je nani, j’akuhegelidze? Filikwi ifyako, fye usanwike? Neke lino, nga vwanwike, apo ukwiginika kiki, ngita je asanwike? Lom. 12, 6.
8Mwigutye ṅani, mumotye ṅani, mutulekile unefwe neke mwitemelidze. Kilonga vuli, muka muve-dze mutemile, apo najufwe nga twihanga nańe muvut wa vweńo. Luv. 3, 17. 21.
9Ndivwene unene luli ngita Nguluvi atuvikile twe v-Apositili kumbele ja vonda, twiva nde twi vańa-kufwa swe, pakuva tudzukile nde twi lusimo lwa kulolela na ji ńi navańa-mwandza navanu. Lom. 8, 36; Heb. 10, 33.
10Unefwe twipufihidze mwa Kilisiti, neke uńeńe muli vańa-ṅalagafu; unefwe tuli vatenda neke uńeńe muli vakângafu; uńeńe muli vańa-malumbo neke unefwe tuli vagaja-malumbo. 3, 18.
11Ukufika kusala ja lino iji, twa twidagana indzala, twa twikalavanuka, twa twifūlika, twa twitovwa, twa twijeganwa. 2. Kol. 11, 23-27.
12Amalimo twa twigimba namavoko gesu, avańa-kutujejevula tukuvafuńa, pe twa twifwimwa, tukwigugumidza; 9, 15; Apos. 18, 3; 20, 34; 1. Tes. 2, 9; 2. Tes. 3, 8; Lom. 12, 14.
13ngana unefwe twihēhwa, apo twikogosa pakulonga navo, tudzukile ngita madĕsi ga ńi, ngita mapalagata ga vonda na lino.
14Neke idzi sindikwa-ndika nde dza kuvagĕgĕ-jeka, hamu ndikuvavunga je muli ngita muli vâna vangu avênde.
15Pakuva nde vaka vavedzage vańa-mbilima dzińikyumi uvolofu avavu-ndzi veńu, napo avadadeńu musili navo avolofu nda; ndivwene uńeńe je nene je ndivavegalye mwa Jesu Kilisiti, ndivavegalye mulyevangeli. Gal. 4, 19.
16Lino ndikuvavunga nditigila: muvedzage muli vaninidzi vangu june. 11, 1.
17Lwe lwene lwe ndiva-tumyenu-Timote, umwâna vangu, umwênde, je ndi-muvonye mwa mutwa ukuva ali vwidevulilo; alavivusaińasi dzangu, dze nda ndigendela mwa Kilisiti Jesu, dze nda ndi-vulanidza ponda muṅombeso dzonda. Apos. 19, 22.
18Neke pe ndali ngita sindikwadza ukweńo unene, neke baho vamwi vitupikage.
19Neke unene ukweńo ndiladza kisatu hela, ngana akelye umutwa. Apo sindilapodza amadzwi ga vene, avakwitupika, hamu apo ndilapodza dzi ngufu dzanavo. Apos. 18, 21; Jak. 4, 15.
20Ndivwene uvutwa vwa Nguluvi vusimye mumadzwi, hâ nda, vwimye mungufu. 2, 4; Luk. 17, 20.
21Kye mugulwime kye kiki lino? Ndadzage ukweńo nulusondzo, ene vuli ndadzage nulugano numubepo gwa vulêngamu?
Actualmente seleccionado:
1 Kol 4: II
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
New Testament in Bena © Bible Society of Tanzania, 1958.
