1 Kol 2
2
1Ńe vańa-lukolo najune lwe ndafikilaga ukweńo lula, pe ndavavulanidzaga uvolesi vwa Nguluvi pala, sindavafikye mumadzwi amatali uńeńe na muluhala. 1, 17.
2Ndivwene unene, pe ndagendaga umweńo, sindiginikaga pakulukagula ulungi, ju Jesu Kilisiti mwene neke umwene ju mupindulihidzwa jujo (je mwene, je ndamukagulaga). Gal. 6, 14.
3Najune, pe ndali apeńo, ndali ndili mutenda nukogopa ndogopaga nukuhilila ndahililaga hîlo, Apos. 18, 9; 2. Kol. 10, 1.
4na dzi nôngwa dzangu na dzi ndzanga dzangu nadzo sindalongelaga ulugomehedzo lwa luhala lwa ńi iji, hamu, ndaletaga hela idza Mubepo nidza ngufu, v. 1.
5pakuta ulufuvo lweńo lutane ukwidamika muluhala lwa vanu, hâ nda, lwidamikage mungufu dza Nguluvi. Ef. 1, 17. 19; 1. Tes. 1, 5.
6Neke avene, avadumīlidze, ve vene ve tukuvavūla uluhala, ulusi luhala lwa ńi iji, nambi luhala lwa vatema ava ńi iji, avijaga,
7hâ nda, uluhala, lwe twilonga unefwe, luhala lwa Nguluvi ulwa kukińele, ululi kilivi, lwe aluvonye ṅani u-Nguluvi, pe gyave nimihagulile gya myâka gya ńi iji, uluńa-kutupēla indolo unefwe, Lom. 16, 25.
8lwe asaluhotwe nambi jumwi umutema va mu-ńi. Ndivwene vali vavedze valuhotwe, apo umutwa umuńa-ndolo ngali vasamutovelye pakipindulihidzo. Luk. 23, 34; Jak. 2, 1.
9Hâ nda, avene ndeve lolilwe ulwitigila: „Idzi nilîho silidzilolile nambi limwi, dze na li lisikidza silipulike nambi limwi, idzisingye na munumbula ja munu, dze avavujapye Nguluvi avańa-kumwenda.“
10Neke unefwe Nguluvi atuvilatulye vugenda pa-Mubepo vakwe. Ndivwene u-Mubepo ikomandza dzonda na vu vunipa vwa Nguluvi. Mat. 13, 11.
11Twe vanu je nani, je akudzivona idzili mwileme lya mujagwe? Gu mubepo gwa munu gwene gwe gwene gukuluvona, ululi mwa munu. Ve dzilivo nidzigenda mwa Nguluvi, nadzo adzidzelye ju Mubepo va Nguluvi swe.
12Neke unefwe tusidapile umubepo gwa mu-ńi muno, hamu, tudapile u-Mubepo va kwa Nguluvi, ukuta tufikagulage, fye atudapye lupyana u-Nguluvi.
13Neke nukudzilonga tusigendela amadzwi amaluvule ga luhalauluńavunu, hamu, twigendela dze atuluvwidze u-Mubepo, neke ińa-Mubepo tukudziganulilaga nińa-Mubepo. 1, 4.
14Neke lino umunu umuńa-mutima hela ujo idza Mubepo va Nguluvi asikudzifika; ndivwene umwene itigila: muva hela, dzimulemile hela pakudzikagula, pakuva dzińa-kutandzwa vwimila pa-Mubepo. 1, 23; Joh. 8, 47.
15Neke umunu i muńa-Mubepo ujo itandza dzonda, neke umwene asitandzwa nda. 1. Joh. 2, 20.
16Ndivwene „kwali ani umuńa-kulufika ulwijivuko lwa mutwa neke avedzage muńa-kumuganulila?“ Neke unefwe tuli nalo ulwijivuko lwa Kilisiti. Lom. 11, 34.
Actualmente seleccionado:
1 Kol 2: II
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
New Testament in Bena © Bible Society of Tanzania, 1958.
