BILANGAN 34
34
Nusak ndia too-lanen-nala
1 Manetualain fe Musa 2paleta ia-la, fo ana fen neu leoina Israel-la nae, “Ba'ihanak seluk bai te, emi masok leo nusa Kanaan, fo Au fen neu emi, da'di leo dae pusaka. Emi nusam ndia, too-lanen nde ia. 3Too kona, mulai neme moo solokaek Zin-na, fo nakandoo leo Edom neu. Too dulu, mulai neme Tasi Mates-sa pe'dan kona, 4fo ana dilu leo kona neu, fo leo Enok Akrabim-ma neu, de nakandoo leo Zin, losa Kades-Barnea fo nai kona. Soona ana dilu neme ndia mai, fo ana leo muli neu, fo ana losa Hazar-Adar, fo nakandoo leo Azmon neu. 5Soona ana dilu neme ndia leo bafak manai Masir dae toon-na, fo nate'e nai Tasi Tala'dak.
6Emi nusam-ma, dae toon muli nde Tasi Tala'dak.
7Too kii, mulai neme Tasi Tala'dak leo Letek Hor-ra neu, 8neme ndia mai fo ana leo Enok Hamat-ta neu, fo nakandoo leo Zedad neu, 9soona nakandoo leo Zifron neu, de nate'e nai Hazar-Enan.
10Too dulu, mulai neme Hazar-Enan, fo leo Sefam neu. 11Boema ana kona neme ndia leo Ribla neu, fo nai Ain boboan dulu, boema nakandoo leo pupukuk manai Dano Galilea su'un dulu, 12boema ana leo kona neu, fo ana su'di Lee Yarden-na nanalun-na, losa Tasi Mates-sa.
Emi nusam-ma too-lanen manai boboa-kaisun nde ndia.”
13 #
Bil. 26:52-56
Musa nafa'da nggileo-bobongik Israel-la nae, “Dae ndia nde neukose emi sipon nenik tu'u batu, fo nde dae fo, tunga Manetualain paletan-na, de muse nanababa'ek neu leoina Israel-la, leon sio seselik. #Yos. 14:1-5 14Leo Ruben ma leo Gad-ta, boema leo Manasye seli, ala sipo-la sila baba'en-na so, de dae ndia nanababa'e basak neu sila teidale-bobongin-nala so. 15Sila dae pusakan-na, nai Lee Yarden-na boboan dulu, fo deka no kota Yerikho-a.”
Mauli-malangan fo, ala hapu bela-ba'uk soaneu baba'e dae ndia
16 Manetualain nafa'da Musa nae, 17“Hataholi fo muse baba'e fe emi dae ndia nde been-na, Imam Eleazar-ra, ma Yosua, fo Nun anan-na. 18Matu'du hataholi esa, neme leo-la esa-esak mai boe, fo ala fali Eleazar no Yosua nai dae ndia baba'en-na.” 19-28Hataholi sila-la na'den-nala nde ia:
| Leo | Mauli-malangan |
|---|---|
| Yuda | Kaleb, fo Yefune anan-na |
| Simeon | Semuel, fo Amihud anan-na |
| Benyamin | Elidad, fo Kislon anan-na |
| Dan | Buki, fo Yogli anan-na |
| Manasye | Haniel, fo Efod anan-na |
| Efraim | Kemuel, fo Siftan anan-na |
| Zebulon | Elisafan, fo Parnah anan-na |
| Isakhar | Paltiel, fo Azan anan-na |
| Asyer | Ahihud, fo Selomi anan-na |
| Naftali | Pedael, fo Amihud anan-na |
29Hataholi sila-la, nde Manetualain paletas, fo ala baba'e dae pusaka neu leoina Israel-la, nai nusa Kanaan-na.
Actualmente seleccionado:
BILANGAN 34: twu
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
