BILANGAN 2
2
Leo-la esa-esak mamanan-na nai ofu dale
1 Manetualain nafa'da Musa no Harun nae, 2“Nai lelek hataholi Israel-la lapadedeik lalaa ofu-la soona, hataholi-la esa-esak muse ofu nai sila dedeon-na boboa-kaisun, no sila leo-ingu-na ta'du-tana mesan-na. Muse lapadedeik lalaa oofuk sila lala'en-na, okofeo-la Au Lalaa Temang-nga, tehu dodoo ana faa neme Lalaa Temak ndia mai.
3-9Manai boboak dulu nde solda'du manasulu nai Yehuda solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia:
| Leo | Mauli-malangan | Hataholi dede'un-na |
|---|---|---|
| Yehuda | Nahason, fo Aminadab anan-na | 74.600 |
| Isakhar | Netaneel, fo Zuar anan-na | 54.400 |
| Zebulon | Eliab, fo Helon anan-na | 57.400 |
| Basa-basan lala'en-na, hataholi: | 186.400 |
Solda'du Yehuda-la muse la'ok nai uluk nanseli.
10-16Manai boboak kona nde solda'du manasulu nai Ruben solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia:
| Leo | Mauli-malangan | Hataholi dede'un-na |
|---|---|---|
| Ruben | Elizur, fo Syedeur anan-na | 46.500 |
| Simeon | Selumiel, fo Zurisyadai anan-na | 59.300 |
| Gad | Elyasaf, fo Rehuel anan-na | 45.650 |
| Basa-basan lala'en-na, hataholi: | 151.450 |
Ruben solda'dun-nala muse tunga Yehuda solda'dun-nala.
17Basa ndia soona, leo Lewi-la ndolo Manetualain Lalaa Teman-na, fo ala la'ok nai solda'du Israel-la tala'da heon. Sama leo nai mamana ofu-a, leondiak boe ala la'ok, esa-esak nai mamanan-na tunga sila dedeon-nala.
18-24Manai boboak muli, nde solda'du manasulu nai Efraim solda'dun-nala dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia:
| Leo | Mauli-malangan | Hataholi-a dede'un-na |
|---|---|---|
| Efraim | Elisama, fo Amihud anan-na | 40.500 |
| Manasye | Gamaliel, fo Pedazur anan-na | 32.200 |
| Benyamin | Abidan, fo Gideoni anan-na | 35.400 |
| Basa-basan lala'en-na, hataholi | 108.100 |
Efraim solda'dun-nala, muse la'ok nai leo Lewi-a dean-na.
25-31Manai boboak kii, nde solda'du manasulu nai Dan solda'dun-nala, dedeon-na dae, ma muse ala ofu tunga sila esa-esak solda'dun no mauli-malangan sama leo nanasulak nde ia, Hataholi-a dede'un-na:
| Leo | Mauli-malangan | Hataholi-a dede'un-na |
|---|---|---|
| Dan | Ahiezer, fo Amisyadai anan-na | 62.700 |
| Asyer | Pagiel, fo Okhran anan-na | 41.500 |
| Naftali | Ahira, fo Enan anan-na | 53.400 |
| Basa-basan lala'en-na, hataholi: | 157.600 |
Dan solda'dun-nala la'ok nai bui mate'en-na.
32Hataholi Israel-la dede'un fo nanasulak tunga sila esa-esak solda'dun-nala nde been-na, hataholi 603.550. 33Sama leo Manetualain paletan neu Musa, de hataholi Lewi-la ta nanasulak sama-sama loo hataholi Israel fe'e-fe'ek-kala fa.
34Hataholi Israel-la tao basa hata lala'en fo Manetualain paletan neu Musa. Esa-esak ofu okofeo-na sila dedeon-na, ma ala la'ok tunga esa-esak leo-ingu ma teidale-bobongin.
Actualmente seleccionado:
BILANGAN 2: twu
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
