Zakaria 5
5
A muwonuo wa pupilo gi hahako.
1Zonake nzi lo tlakusa a mahlo ya mina kambe, nzi wona a papilo gi nga haha.
2A ngelosi yiku ka mina: Xini u xi wonako? Nziku ka yona: Nzi wona a papilo gi hahako, ga 20 wa mikono kuleha ka gona, ni 10 wa mikono kuanama.
3Yona yiku ka mina: Lowu i nzhukano wu tako hehla ka tiko gontlhe; hakuva munwe ni munwani loyi a yivako i ta susiwa laha hi ntamu wa wona; munwe ni munwani a hlambanyako i ta susiwa laha hi ntamu wa wona.
4Nzi wu humesile, ku wula Jehova wa tiyimpi, wu ta enghena lomu ndlwini ya khamba, ni lomu ndlwini ya loyi a hlambanyako mawunwa hi vito ga mina; wu ta tshama ndlwini yakwe, wu mbheta a timhanze ta yona ni maribye ya yona.
A wasati lomu ka efa.
5Zonake a ngelosi leyi yi nga wulawula na mina yi lo tshinela, yiku ka mina: Tlakusa a mahlo ya wena, u wona a xilo xi humako lahaya lezaku xini.
6Mina nziku: Xini? Yona yiku: I efa gi humako. Yi engeta yiku: Mufananiso wa vona va nga kona tikweni gontlhe.
7Ku lo tlakusiwa a xifenengeto xa tsovu, ku lo woneka a wasati a nga tshamile nzeni ka efa.
8Zonake yiku: Hi yena Kubiha. Zonake yi lo hoxa wasati nzeni ka efa, a veka a xifenengeto xa tsovu nonwini wa gona.
9Nzi lo tlakusa a mahlo ya mina, nzi wona na ku huma a vavasati vambiri, a mheho na yi tatisa tipapa tabye, hakuva va wa hi ni tipapa to fanana ni ta sekwa. Va lo tlakusa a efa xikari ka tilo ni misava.
10Mina nziku ka ngelosi leyi yi nga wulawula na mina: Va gi yisa kwihi a efa ke?
11Yona yiku ka mina: Va gi yisa tikweni ga Xinari, kasi ku ya gi akela a yindlu; loku yi akilwe, gona gi ta vekiwa wutshanwini ga gona.
Actualmente seleccionado:
Zakaria 5: TSC72
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Tshwa Bible © Bible Society in Mozambique, 1972, 2007.
