Zakaria 3
3
A muwoniso wa Joxua kukotisa mupristi wa hombe.
1I lo nzi kangeta Joxua, a mupristi wa hombe, na yimile mahlweni ka ngelosi ya Jehova, na Satani a yimile reveni gakwe ga xinene kasi ku mu kecara.
2Jehova aku ka Satani: Ngha Jehova a ku kawuka, wena Sata! Ina, Jehova loyi a hlawulileko Jerusalema ngha a ku kawuka! A muti lowu a hi lihunyi li susilweko nzilweni ke?
3Joxua i wa ambele a tinguwo to nyenyeza, na a yimile mahlweni ka ngelosi.
4A ngelosi yiku ka lava va nga yimile mahlweni ka yona: Mu tlhatlheni a tinguwo to nyenyeza! Yi wuya yiku kakwe: Nzi ku susele a kugoha ka wena; nzi ta ku ambexa tinguwo ta mibuzo. Isa. 4:4; Mika 7:18; Lu. 15:22
5Nziku: A va mu ambexa a xihuku xo basa hlokweni yakwe! Va lo tlhateka a Xihuku xo basa hlokweni yakwe, va mu ambexa tinguwo. A ngelosi ya Jehova yi wa yimile kwalaho.
6A ngelosi ya Jehova yi lo tiyisa ka Joxua, yiku:
7Jehova wa tiyimpi i ngalo: Loku u famba hi tindlela ta mina, u hlayisa zileletelo za mina, wena u ta fumela yindlu ya mina, u hlayisa a tihubye ta mina, nzi ta ku nyika fanelo ku tshinela xikari ka lava va yimileko lomu.
8Zwana makunu, wena Joxua mupristi wa hombe, wena ni vanghana va wena lava va tshamileko mahlweni ka wena, hakuva a vavanuna lava va tava xikombiso; hakuva nzi ta neha a nanza ga mina Hluke. Isa. 8:18; Jer. 23:5; 33:15
9Hakuva a ribye legi nzi nga gi veka mahlweni ka Joxua (hehla ka ribye legi ku na ni ntlhanu wa mahlo ni mambiri), mina nzi ta kehla a mutsalo wa kona, ku wula Jehova wa tiyimpi; hi siku ginwe nzi ta susa a kugoha ka tiko legi.
10Hi siku lego, ku wula Jehova wa tiyimpi, munwe ni munwani i ta ramba muakelwane wakwe ku tshama naye lahasi ka xivina ni kuwu wakwe.
Actualmente seleccionado:
Zakaria 3: TSC72
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Tshwa Bible © Bible Society in Mozambique, 1972, 2007.
