Jona 2
2
Jona a kombela.
1Jehova i lo rumela a hlavi ya hombe yi ta mita Jona; na Jona i lo tshama rumbyini ga hlavi leyo masiku manharu ni wusiku ginharu. Mat. 12:40; Lu. 11:29
2Zonake Jona i lo khongela ka Jehova, a Nungungulu wakwe, na hi rumbyini ga hlavi, aku:
Hi kota ya hlokiselelo wa mina nzi lo vitana Jehova,
A nzi hlamula;
Nzi lo rila na nzi hi nzeni ka Xeole,
Wena u lozwa a gezu ga mina.
3Hakuva u lo nzi hoxa matini ya kueta, le hasi ka bimbi,
A ntalo wa mati wu lo nzi ranzela xikari;
A mabyandlati ya wena wontlhe ma lo hunza hi le hehla ka mina.
4Mina nziku: Nzi hlongolwe mahlweni ka wena,
Kanilezi nzi ta tlhela nzi cuwuka tempeleni ya wena yo basa.
5A mati ma nzi ranzele xikari, ma chikela ni lomu muhefemulweni wa mina,
Nzi khonʼwa lomu kueteni;
Ni byanyi ga lomu bimbini gi pomele a hloko ya mina.
6Nzi wa relele nziya tshakweni ga zitsunga,
A misava yi wa nzi valele hi zikwinyaro za yona kala kupinzuka;
Kanilezi wena Jehova Nungungulu wa mina, u lo humesa a wutomi ga mina hi lomu nkeleni.
7Laha a muhefemulo wa mina wu nga rerekile nzeni ka mina nzi lo alakanya Jehova;
A mukombelo wa mina wu lo chikela ka wena lomu tempeleni ya wena yo basa.
8Lava va khatalelako zahava,
Va tsika Nungungulu wabye wa tipswalo.
9Kanilezi nzi ta ku phahlela hi gezu ga kubonga,
Nzi ta humesa lezi nzi zi fungileko.
A kuhanyisa kuta hi ka Jehova. Tis. 50:14
10Zonake Jehova i lo laya hlavi, yi hlata Jona laha muhanzeni.
Actualmente seleccionado:
Jona 2: TSC72
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Tshwa Bible © Bible Society in Mozambique, 1972, 2007.
