SADEONG 98
98
Mian Bisa, kuasaiyo kodunia
1Sadeong.
Manyanyikenekai kolagu boolu doi Temeneno,
sabab Konakokubai-kokubai mominasaindinggon!
Tukon kuasa maka Nabukuanan susungo
Yana malaato kamanangan.
2Ko Temeneno babilitakene konamanaangan;
Yana okitakene Konaadilan doi bangsa-bangsa.
3Kona seang tukon nasetiaan Yana neneeke
doi Israel, Namian.
Sasaibino kobangsa doi posaapon kodunia
lapamo kitayo konda Mian Bisa nakamanaangan.
4Eh posaapon kodunia, polaba-laba doi Temeneno!
Ponggaalekai ko Temeneno
tukon nyanyian kokuweisan laba.
5Pomanyanyikenekai konggaalono ko Temeneno,
tukon pomokuti kacapi.
6Puukekai kotorompet tukon sangkakala,
ponggeleamonkai doi Temeneno, nda Tomundo.
7Eh tobun tukon sasaibino koantoko mo pololiyookonokai
dunia tukon sasaibino komo dungoliyo.
8Batadikenemo kopaisu-paisu batango nabalaup-laup,
tukon kobunggul bunggo-bunggono nggeleamon laba doi Temeneno salaano.
9Sabab Yana lubat sulano nahakimiyo ko dunia;
kobangsa-bangsa naikon Yana hakimiyo tukon naadilan maka nabisaan.
Actualmente seleccionado:
SADEONG 98: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
