SADEONG 96
96
Mian Bisa, Tomundo mobabasal
(1Tund. 16:23-33)
1Manyanyikenemokai kolagu boolu mo tuuk doi Temeneno!
Eh sasaibino kobanggapi doi dunia, pomanyanyimokai doi Temeneno!
2Pomanyanyimokai doiyana tukon ponggaalekai Yana;
sasamba kooloyo pobabilitakenekai kobalita labaan
baikon Yana salamatenemo kita.
3Basalitakenemokai Kona babasalan doi bangsa-bangsa,
tukon Kona kokubai-kokubai motambongan
doi sasaibino kobangkapi.
4Sabab babasalkai ko Temeneno, tukon tanggaal tuuno,
sio naliisi kopilagat konaminatakutonan.
5Kobangsa-bangsa bailon natemeneno tongo pilogot timbalango,
bai ko Temeneno doyamo komo positakayo kodapang babasal.
6Kobabasalan tukon taanggaan songgoliiyo Yana,
Kona Bonua moono kuasa tukon natambonganan.
7 #
Sad. 29:1-2
Eh sasaibino kobangkapi, ponggaalekai ko Temeneno,
ponggaalekai Kona babasalan tukon Kona bukuanan!
8Ponggaalekai Kosambuno mo babasal,
tukon pomababakai sosubakon doi Na Bonua lalomo.
9Posombaiyokai ko Temeneno tukon pomapake pakean kaledaan!
Eh posaapon ko dunia, lolondongkai doi salaano!
10Babilitakenekai doi bangsa-bangsa,
“Do Temeneno doo Tomundo! Ko dunia moonggol aki natounggot;
Yana hakimiyo kobangsa-bangsa tukon adil.”
11Eh timbu tukon buta, polabakai!
Eh tuboan tukon sasaibino koantoko, pomomuukai!
12Eh padang tukon sasaibino kotatanaman, polaba-labakai!
Kokayung-kayung batanggo doi babono naikon nggele-nggeleamon laba.
13Sabab ko Temeneno lubat momparentah doi dunia,
Yana naikon hakimiyo kobangsa-bangsa tukon namoloyosan konoano moadil.
Actualmente seleccionado:
SADEONG 96: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
