SADEONG 90
90
KITAB KESANGKAPO:
SADEONG 90–106
Mian Bisa, bangkapi nasoopan
1Musa Mian Bisa naata nasambeang.
Oh Temeneno, Ikoomokai komai soopan
turun-temurun.
2Akiyoon kobunggul-bunggul napinasitaka,
akiyoon kobuta tukon dunia Mutealikene,
Ikoomokai ko Mian Bisa mo tutuu,
akiyo kona tambunuan tukon napupusan.
3Ikoo sumboliiyo kobangkapi naabali doi naluweyan,
nateali abu pokakana doi tumbeno.
4 #
2Ptr. 3:8
Doi koo 1.000 ko taun buno meeng kooloyo,
koiyuan kooloyono lapamo lapa;
buno meeng koobos badagaian doi tempo popook.
5Ikoo laline kami; kami pokakana momonii,
pokakana kobulung mosopii;
6doi tempo dodowa yana tubo tukon molumbang,
bai teali molooyu doi tempo kinobian
7Kami ngginggim luwe Munggimalan,
tukon kabus mate luwedoi Munggimalan.
8Ikoo abese komai sala doi salaa-Mu,
komai lalim motosookon Ikoo moola kitayo.
9Sabab Munggimalan maka komai tuboan tealimo paupalus,
komai taun-taun napupusan tongo buno ansaangan idan.
10Komai loonu tuboan tongo pitu kolono kotaun,
kalu kami bukuan alu kolono kotuan.
Bai tongo susaan tukon sakisaawan komai linaat;
salataa lapa tubo soisobit, kamikai lapuso.
11Indeekai komo tinggoniiyo Komunggimalan nakulokisan,
kai sukup toiyo akibat Munggimalan?
12Tealikenekai mai toiyo naikon konamosobitan natuboan nia
sulano mai teali mian mo moloyos konoano.
13Oh Temeneno polong doi tempo oila komu nggimalan?
Abalimokai tukon seseangemokai Komupeleleani-peleleani.
14Okumbeyokai Komumaasi doi kami sasamba kododowa,
sulano mai labalaba tukon manyanyi kalu kami daanoon motubo.
15Beenggami namomondokan buno pokakana tukon kosakisaawan
kami motanggunge doi taun-taun sakisaawan lalomo.
16Tudoikanggamikai Komu limang doi kami doi Mupeleleani,
tukon Komu kuasa mobabasal.
17Oh Temeneno mai Mian Bisa, balakaatiyokai kami,
sulano sasaibino komai limang nadaano kohasilo.
Actualmente seleccionado:
SADEONG 90: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
