SADEONG 88
88
Sambeang makabian tulungan
1Nyanyian. Korah pulino na Sadeong. Tuuk mokatuaiyo konyanyian. Mololoi lagu: Mahalat Leanot. Heman, Ezrahi miano nanyanyian otunggul.
2Oh Temeneno, Mian Bisa mosalamatanaku,
doi tempo oloyo yaku uwang doi-Koo,
doi tempo popook yaku mangadap doi-Koo.
3Boliisi daku sambeang napolong doi-Koo,
lengelekai daku uwangan.
4Badaang kosusaan motepakaku;
komatean daano doi tataapon mbambano.
5Yaku pokakanamo komian naikon mobulus doi kibul leengo,
pokakana komian mokabuso kobukuno.
6Yaku inodungol doi mian mate lalomo,
pokakana komian moinakate, tongokoolo doi kubur lalomo,
pokakana komian Ikoo motoliminggene banggadudul,
mian moakimo mutulunge koidan.
7Ikoo lambitanaku doi bitu moatean,
doi kubur leengo moatean tukon kalipookan.
8Komunggimalan dedekene konoanggu teali motoong
yaku teali manas talailainggon luwe Munggimalan.
9Ikoo dedenggenemo daku sobat-sobat luwedoi yaku,
tukon Ikoo kubaiyaku mosikitene yanila.
Yaku takurung tukon akimo kumoola tobuat,
10komatanggu teali bobongan sabab sakisaa.
Sasamba kooloyo yaku uwang doi-Koo, Temeneno,
tukon yaku sambeang kolimanggu tongulul doi salaanggu.
11Oilakai Ikoo mokubai langge mominasaindinggon tuuk doi mian mate?
Oilakai yana tubo luwedoi matean tukon nggaale Ikoo?
12Oilakai Komuseang binabontilanggon doi kubur lalomo,
tukon Musetiaan doi lipu molokis?
13Daanokai komotoiyo komulangge minasaindinggon doi kalipookan lalomo,
kai Mumonondokan doi tano tampat motinoliminggon?
14Bai yaku makabi Mutulungan, oh Temeneno,
sasamba kodowa-dowa kulibakene daku sambeang doi-Koo.
15Oh Temeneno, bulando Ikoo motolakaku?
Bulando Ikoo mopalesene koduduso-Mu doi yaku?
16Salataa doi kupopoisikan yaku sakisaa tukon matean lolongganaku,
yaku payah tuuno motanggunge Komu ukuman.
17Komu nggimalan molokis akamanase yaku;
Komu sakisawan mobolikon langge akamanase yaku.
18Popupuson kooloyo Komu nggimalan pokakana koeyaba boilingiyaku,
molubotiiyaku doi sasaibino kodunia pasuno.
19Kotula-tulanggu mo pomondokon yaku Ikoo dedenggene doiyaku
baimo kalipokan lalomo komo kotulaaku.
Actualmente seleccionado:
SADEONG 88: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
