SADEONG 76
76
Mian Bisa komo manang
1Tuuk mokatuaiyo konyanyian. Tukon linolaing kacapi. Asaf na Sadeong. Nyanyian.
2Ko Mian Bisa totoy doi Yehuda;
Kosambuno tololongol doi Israel.
3Yerusalem daanokai Nalipu dungolan;
Bunggul Sion Nalipu dungolan.
4Indaa yana manase sasaibino kopakas polobosian,
sasaibino kopana modidilengan, tombide tukon sabel.
5Tutuu babasalkai Ikoo, tukon lalaangan,
lobiyoniyo kobunggul-bunggul doi lonu loolukon.
6Komian-mian mobarani nalangge-langge lapamo linambas;
yanila tongokoolo tukon akimo naikon nabangun koidan.
Kosuludadu-suludadu polobosi motambongan barani
lapuso konabukuanan.
7Sasaibino koadalan tukon polokitino tuwong mate
luwe Muposiika, oh Yakub na Mian Bisa!
8Tutuu Komuhebatankai!
Kalu Ikoo nggimal, indee komo moola bataanggon?
9Luwedoi timbu Ikoo kubaiyo Komukaputusan;
kodunia matakut tukon batingakon.
10Salataa Ikoo kokondong momangadili
sulano nasalamatene komian molinai-lainggon doi dunia.
11Komian-mian molokis tuunokai nggaale Ikoo,
tukon modaanon monggimal mapake toik karung salaku paloosan mosusah.
12Tapatiyokai komudandi doi Temeneno mu Mian Bisa.
Siokai sasaibino kobangsa modungol lolani
babayo kososubakon doi Mian Bisa mominatakuton.
13Yana kubaiyo moloto sasaibino kopamarentah nasomangat,
kotomundo-tomundo lasayo matakut doiya-Na.
Actualmente seleccionado:
SADEONG 76: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
