SADEONG 67
67
Nyanyian sukuur
1Tuuk mokatuaiyo konyanyian. Tukon linolaing kacapi. Na Sadeong doi Temeneno.
2Boliisi ko Mian Bisa nameseseang tukon nabalakaatiyo kita,
boliisi nambalenge kita tukon noano mobilisii.
3Oh Mian Bisa, boliisi Komumongisan natinoi doi pasapoonko dunia,
tukon Komukasalamatan nainokitakonggon doi sasaibino kobangsa.
4Boliisi kobangsa-bangsa nangganggaalon, oh Mian Bisa,
boliisi sasaibino kobangsa napo, basukuur doi-Koo.
5Boliisi sasaibino kobangsa nakokuweis labalaba,
tukon napo manyanyi labalabaan.
Sabab Ikoo maparenta tukon adil
tukon andane sasamba kobangsa doi dunia.
6Boliisi kobangsa-bangsa nangganggaalon, oh Temeneno,
boliisi kobangsa sasaibino napo basukuur doi-Koo.
7Kobuta beekenemo konahasil,
Mian Bisa, konda Mian Bisa lapamo balakaatiyo kita.
8Ko Mian Bisa balakaatiyo kita;
boliisi Nainodotii doi posaapon kodunia!
Actualmente seleccionado:
SADEONG 67: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
