SADEONG 54
54
Sambeang makabian soopan
1Tuuk mokatuaiyo konyanyian. Tukon linolaing kacapi. Daud nanyanyian pongotunggul, 2#1Sam. 23:19, 26:1 salataa ko Zifi miano lubat mobontiikene doi Saul, “Daud basokon doi kami.”
3Oh Mian Bisa, sabab Mukuasa salamatenemo yaku,
tukon Mubukuanan beenggukai kaadilan.
4Oh Mian Bisa lengelekai daku kakabi,
tukon musanaangan palatikanggenekai daku bantilan-bantilan.
5Sabab komian molulubaton kokondong lobosiyaku,
komian mobabanggaal yase akateyaku,
tukon yanila aki napopusinggon ko Mian Bisa.
6Bai komian Bisa yanamokai komo tulungiyaku
ko Temeneno doiyamokai komo belaaku.
7Yana ukume daku musuh sabab napo kulokisan susungo,
tukon akateyo kabus yanila sabab Yana tulut-tulutan doi yaku.
8Tukon nasanaangan konoanggu yaku mososubakon sosubakon doi-Koo,
tukon basukuur doi-Koo sabab Ikoo monondok, oh Temeneno.
9Ikoo sodiiyakumo luwedoi sasaibino kokasulitan,
tukon yaku kitayo komusuh linungguimo.
Actualmente seleccionado:
SADEONG 54: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
