SADEONG 105
105
Mian Bisa tukon namian
(1Tund. 16:8-22)
1Pobasukuurkai doi Temeneno, pobabilitakene Konababasalan,
basalitakenekai Kona kokubai-kokubai doi bangsa-bangsa.
2Pomanyanyikenekai konggaalano ko Temeneno,
pobabilitakenekai sasaibino Kona limang mo minasaindinggon.
3Yanamokai ko Temeneno Mo Meeng;
polaba-labakai sabab kita nia koonamo Nalobo,
sasaibino komo sombaiyo yana siokai nalaba-laba.
4Makabikai bukuanan doiya-Na,
sombaiyokai yana momeenggon.
5-6Eh Abraham nakatulunan, Napeleleani,
nenekekai sasaibino Konalangge linakukon mominasaindinggon,
Kona kaputusan-kaputusan inai motolininggene.
7Ko Temeneno daanokai nda Mian Bisa,
Konakaputusan pinake doi posaapon kodunia.
8Yana sidutu neneeke Kona perjanjian
Kona janji pinake sidutu-posidutukon.
9 #
Tea. 12:7, 17:8, 26:3 Doperjanjianoo Yana kubaiyo tukon Abraham,
tukon doibundu polong Ishak ekeenggele
10 #
Tea. 28:13
maka doibundu koidan yana ekeenggele tukon Yakub,
teali perjanjian mokekal doi Israel miano.
11Kona bantilano, “Ko Kanaan butano Yaku naikon bekonggomuyu,
nateali pobuta pusaka.”
12Loolukoo ko Mian Bisa namian tubo tongo buno mian lulubaton indaa
konapo kadaang tongo soisik tuuno.
13Yanila lausala luwedoi bangsa meeng taus doi bangsa bailon,
biyol luwedoi meeng kotano doi tano bailonggon.
14 #
Tea. 20:3-7
Bai ko Temeneno aki nabatadikene indeekai komo lailanggene yanila;
sabab tukon yanila, kotomundo-tomundo Iningotiikon,
15“Inai nagangguwo komian Yaku molilikemo,
inai mokulokisanggene Daku nabi-nabi!”
16 #
Tea. 41:53-57
Ko Temeneno lubatene komalaalan doi tanodoo,
tukon alayo sasaibino kokinaan nasinadiamo.
17 #
Tea. 37:28, 45:5 Bai yana mosumbolii meeng komian moloolukoniyo yanila,
doi Yusuf, molapamo binalukon salaku ata.
18 #
Tea. 39:20–40:23
Koaino pinagot tukon panga,
kobulungo bakalonggene korante besi.
19Kona pupusan tealimokai kona tinantukonan,
yana tinutuukon luwedoi Temeneno nabantilan.
20 #
Tea. 41:14-57
Maka ko Tomundo Mesir, mokuasaiyo kobangsa-bangsa,
tobuatene yana luwedoi talunggu lalomo.
21 #
Tea. 41:39-41
Yana binee limang mouluse kokamalio,
tukon binee kuasa mokuasaiyo sasaibino konabuat;
22tukon koidan haak sulano naatule sasaibino kotomundo napagawe,
tukon katuaiyo komian momotu-motuamo.
23 #
Tea. 46:6, 47:11 Maka Yakub taus doi Mesir
tukon tataapo indaa salaku mian lulubaton.
24 #
Tob. 1:7-14
Ko Temeneno kubaiyo Konamian sosungi badaang,
tobikon doiya yanila lobiyoniiyo konapo lawan nabukuanan.
25Yana boliiyo ko Mesir miano noano tobikon doiya yanila mosikitene Konamian
tukon yanila kubaiyo lokis Konapele-peleleani.
26 #
Tob. 3:1–4:17
Maka Yana utuse Konapeleleani Musa
tukon Harun Namian pinilih.
27Doi Mesir yanila lakukene kolangge-langge mominasaindinggon,
kokokubai-kokubai babasal moluwedoi Temeneno,
28 #
Tob. 1:1-3
tukon yanila taatiyo Konaparenta-parenta.
Maka ko Temeneno tealikene dotanodoo kalipookan tuuno.
29 #
Tob. 7:17-21
Konapo paisubatango binoliimo teali sau,
tobikon doiya koikano molopu kabus.
30 #
Tob. 8:1-6
Kotupak sasabul doi napo tanodoo,
tukon koidan usok doi tomundo nakamali.
31 #
Tob. 8:16-17, 8:20-24 Luwe Mian Bisa naparenta lubatkai konggaalok-nggaalok,
tukon kopipil lubotiiyo posaapon dotanodoo.
32 #
Tob. 9:22-25
Yana kuudange koes posoboli udan,
tukon lubatene kodidip mopopondili.
33Yana duwekene ko anggur tukon ara batango,
tukon lubangemo sasaibino konapo kayung-kayung batango.
34 #
Tob. 10:12-15
Luwedoi naparenta, lubatkai kobetek,
koaito badaang tuuno, aki namoola inait.
35Yanila kaane sasaibino komo sinakakon doiasi,
tukon kaane kabus sasaibino kodunia hasilo.
36 #
Tob. 12:29
Kopau mala-malaneno langgongo yana akateyomo
doi memeeng ko Mesir miano nabonua lalomo.
37 #
Tob. 12:33-36
Doi bundu kobangsa Israel inantokono tobuat,
yanila mababa mosoni tukon suasa;
sasaibino yanila sehat tukon bukuan.
38Ko Mesir miano tinepak matakutan tukon susaan tuuno,
jadi yanila sanaang salataa ko Israel miano taus.
39 #
Tob. 13:21-22
Ko Mian Bisa belekayo bebelan kobunom sulano naitolungiyo ko Namian,
tukon bilat teali podial doi napopookan tempono.
40 #
Tob. 16:2-15
Yanila makabi, maka linubatonokai kotomisi peleet,
yanila binee roti moluwedoi surgaa tukon yanila kaane pobobosukon.
41 #
Tob. 17:1-7; Bang. 20:2-13 Yana batayo kobatu bunggulo, maka nasasabul kopaisu
molomba buno paisubatango doi padang lalomo.
42Sabab ko Temeneno neneeke Kona janji
doi Abraham, Dona peleleanidoo.
43Maka Yana antekene Kona mian tukon lalaba,
Kona mian linilik tukon nggeleamon laba.
44 #
Yos. 11:16-23
Ko bangsa-bangsa nabuta bineekono doi yanila,
konapoasi-asi Yana tealikene Namian koona,
45sulano Kona mianoo taatiyo Konahukum-hukum
tukon loingiyo Konaparenta-parenta.
Ponggaalekai ko Temeneno!
Actualmente seleccionado:
SADEONG 105: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
