Salmos 61
61
1Ruzë́ naguʼ le rulidzaʼ Liʼ, Dios.
Ruíʼi ládxuʼu le rinábidaʼ Liʼ.
2Ga ni zoaʼ ziʼtuʼ ga dë ladzaʼ rulidzaʼ Liʼ tuʼ rudú ládxaʼa.
Guchë́ʼ nedaʼ ga zoa Nu naʼ naca ca tu guiö́jtoʼo, Nu naʼ nál-latërö ca nedaʼ.
3Nacuʼ Liʼ Nu run chiʼi nedaʼ.
Nacuʼ Nu rácalen nedaʼ cateʼ zoa nu ribía no nedaʼ.
4Bëʼ lataj sóaticaʼsaʼ ga zoa cazuʼ Liʼ.
Bëʼ lataj sóalenaʼ Liʼ, gunaʼ nedaʼ ca tunbaʼ bö́radoʼ taʼyázabaʼ zxan xílabaʼ yöjede.
5Biyö́n quézinuʼ Liʼ le guzxíʼ lu naʼa gunaʼ quiuʼ Liʼ, Dios.
Benuʼ ga nequi quiaʼ le runödzjuʼ quégaca nupa tadxi Liʼ.
6Gunuʼ ga soëʼ xidzé bönniʼ naʼ rinná bëʼë uláz quiuʼ.
Zián iz soëʼ ibanëʼ.
7Sóaticaʼsëʼ loʼ Liʼ, Dios.
Bëʼ queëʼ yöl-laʼ dxiʼi ladxiʼ, en le naca idútë li, yuguʼ le ilún chiʼi lëʼ.
8¡Gúl-laticaʼsaʼ yöl-laʼ ba que Loʼ,
para gaca gunaʼ tu tu dza le guzxíʼ lu naʼa!
Actualmente seleccionado:
Salmos 61: zar
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2009, Wycliffe Bible Translators, Inc. All rights reserved.
