FILIPI PEU INTAT HABA
PEU INTAT HABA
Jeumaáh di Filipi na kheueh jeumaáh nyang phon-phon that geupeudong lé Paulus di Ierupa. Filipi nyan teuduek jih di Makedonia, saboh propinsi keurajeuen Roma. Surat Paulus Keu Jeumaáh di Filipi nyoe geutuléh lé Paulus watée gobnyan mantong na lam peunjara. Até gobnyan watée nyan gundah that sabab mantong na ureuëng-ureuëng Kristen nyang buet jih jilawan gobnyan. Meunan cit sabab lam jeumaáh nyang na di Filipi nyan na ureuëng-ureuëng nyang jipurunoe ajaran nyang sisat. Bah kheueh lagée nyan surat Paulus nyoe nyang su jih geumbira dan peunoh harapan. Peue sabab jih lagée nyan? Hana laén na kheueh sabab gobnyan meuiman that ubak Almaseh.
Paulus geutuléh surat nyoe sabab nyang phon-phon that gobnyan keuneuk geupeugah teurimong gaséh ubak jeumaáh di Filipi ateueh peue nyang ka jibri keu gobnyan dan ka geuteurimong watée gobnyan mantong na lam keusosahan. Dan lam keuseumpatan nyoe teuma gobnyan keuneuk geubri durongan keu awaknyan mangat awaknyan jijeuet dan tabah watée trok ubak nyang sulet. Gobnyan geulakée ngon meuharab that mangat awaknyan miyueb até lagée Isa, dan hana jikuasa lé peurasaan sombong dan jipeupeunteng droe jih keudroe. Gobnyan geupeuingat awaknyan sabab ngon rakhmat Allah mantong kheueh, Po teu Allah geupeujeuet awaknyan meusaboh ngon Almaseh ngon dasai jih peucaya awaknyan ubak Gobnyan, kon ngon lé sabab awaknyan taát jipeubuet upacara-upacara agama nyang ka jipeuteuntée lam huköm agama Yahudi. Dan Paulus pih geutuléh cit keuhai geumbira dan seujahteura nyang geubri lé Po teu Allah ubak ureuëng-ureuëng nyang udeb meusaboh ngon Almaseh.
Suratnyoe that-that teupeumaklum keuhai keugeumbiraan sibagoe ciri khas jih, keuhai até nyang teutab, keusatuan, dan keutabahan ureuëng Kristen lam jipeuteun iman jih ubak Almaseh lam udeb jih sibagoe ureuëng Kristen. Dan surat nyoe pih sibagoe isyarat padub na cinta jih Paulus keu jeumaáh nyang na di Filipi.
Asoe jih
Haba phon 1:1-11
Keuadaan Paulus keudroe 1:12-26
Keuhai udeb ureuëng Kristen 1:27–2:18
Reuncana keu Timotius dan Epafroditus 2:19-30
Peuingat keuhai musoh-musoh nyang teuka nibak luwa dan nyang teuka nibak dalam 3:1–4:9
Paulus ngon rakan-rakan gobnyan di Filipi 4:10-20
Peunutôb 4:21-23
Actualmente seleccionado:
FILIPI PEU INTAT HABA: LAIACE
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Old and New Testament in Today's Aceh Language @ LAI, 1997.