1 TESALONIKA PEU INTAT HABA
PEU INTAT HABA
Tesalonika na kheueh ma banda Makedonia, saboh propinsi keurajeuen Roma. Jeumaáh di Tesalonika geupeudong lé Paulus óh ka lheueh gobnyan geutinggai Filipi. Teuma hana padub na treb óh lheueh nyan, ureuëng-ureuëng Yahudi nyang bingiek até keu Paulus jipeuphon lawan ajaran Paulus keugeubri ajaran Kristen keu ureuëng-ureuëng nyang kon Yahudi nyang ka jipeuphon na até keu agama Yahudi. Ngon lagée nyan teupaksa Paulus geutinggai Tesalonika dan geujak u Berea. Óh lheueh nyan watée gobnyan ka trok u Korintus, laju geuteurimong surat nibak Timotius, sahabat dan rakan gobnyan, keuhai keuadaan jeumaáh di Tesalonika.
Ngon lagée nyan, Surat Paulus Nyang Phon Keu Jeumaáh di Tesalonika geutuléh keugeubri durongan dan beuteutab até keu awaknyan. Paulus meusyukoe ateueh haba nyang geuteurimong keuhai iman dan geunaséh awaknyan. Gobnyan geupeuingat bak awaknyan keuhai udeb geuh keudroe watée gobnyan mantong na lamkawan awaknyan. Óh ka lheueh geupeugah banmandum nyan, Paulus laju geujaweueb peue-peue nyang jitanyong lé awaknyan keuhai teuka Almaseh nyang keudua goe jih. Meunyoe ureuëng Kristen meuninggai sigohlom Almaseh teuka, peu kheueh ureuëng nyan meuteumé udeb nyang keukai dan seujati nibak Almaseh? Pajan kheueh Almaseh teuma teuka? Paulus geubri naseuhat mangat awaknyan teutab mubuet ngon teunang sira teupreh Almaseh teuka ngon peunoh harapan.
Asoe jih
Haba phon 1:1
Syukoe dan pujoe 1:2–3:13
Naseuhat keuhai pakriban nyang sibeuna jih pi-e ureuëng Kristen 4:1-12
Geupeu trang keuhai Almaseh teuka nyang keudua goe jih 4:13–5:11
Naseuhat-naseuhat keuneulheueh 5:12-22
Peunutôb 5:23-28
Actualmente seleccionado:
1 TESALONIKA PEU INTAT HABA: LAIACE
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Old and New Testament in Today's Aceh Language @ LAI, 1997.