1 YAHYA PEU INTAT HABA
PEU INTAT HABA
Surat Yahya Nyang Phon nyoe jituléh ngon dua boh meukeusut. Sa, keuteubri durongan ubak mandum nyang baca mangat awaknyan meusaboh udeb meusaho ngon Allah dan ngon Aneuëk Gobnyan Isa Almaseh. Dua, teupeuingat awaknyan mangat bék jiseutôt ajaran-ajaran nyang salah nyang hase jipeurusak udeb awaknyan meusaboh ngon Allah dan Isa Almaseh. Ajaran-ajaran nyang salah nyan jimeudasai ubak peue mantong nyang na tupéh ngon donya, jipeuhase nyang jeuhet; ngon lagée nyan, Isa Aneuëk Allah, hana mungken ka jeuet keu manusia. Gurée-gurée nyang peurunoe ajaran nyang sisat nyan jipeugah bahwa teupeuseulamat nyan makna jih teupeuleuh nibak banmandum urosan lam donya nyoe; awaknyan pih jipeurunoe lé gurée-gurée nyan bahwa keuseulamatan hana hubongan jih ngon hai-hai susila atawa gaséh sabe keudroe-droe manusia.
Meulaén ngon ajaran-ajaran nyan, nyang tuléh surat nyoe geupeugah teuma deungon jeulaih bahwa Isa Almaseh biet-biet ka jeuet keumanusia seujati. Meunan cit geupeu jeulaih ngon trang that bahwa banmandum ureuëng nyang peucaya ubak Isa dan jigaséh Allah harôh teuma jigaséh seusabe manusia.
Asoe jih
Haba phon 1:1-4
Trang ngon seupôt 1:5–2:29
Aneuëk-aneuëk Allah dan aneuëk-aneuëk Iblih 3:1-24
Nyang beutôi ngon nyang salah 4:1-6
Keuwajéban ubak gaséh sayang 4:7-21
Peucaya nyang teuba ubak keumeunangan 5:1-21
Actualmente seleccionado:
1 YAHYA PEU INTAT HABA: LAIACE
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Old and New Testament in Today's Aceh Language @ LAI, 1997.