Milikiyaasi Gimo
Gimo
Hini macaafooch beeto keemechi Milikiyaasi gettiti wochoone; Milikiyaasi beebee echeti yemeeno K.sh.a. 450 natooch, ebiyoo Yeerichi yaafee kexo shuunetaa bi qannitoyee gubbiye. Ebiyooba Ayihudeenaꞌo Yeerich boonoshi goyinneebeeti goyinno tato toonoone; boonoshiyoo Ayihudee yaroochee maach tuneti mecheenaꞌon shaaggiyeete; Yeerich boonoshi kicha bede mooyon kichemmon qajjiyeete; ebiyeenoo halla Yeerin qajjiyeete.
Milikiyaasi Israꞌeeleenaꞌo Yeer waan boonoshi gidd bedoommon giddeyaaneenaꞌo boonoshi tunetoyich ayinitone. Boonoshiyoo Yeerin batteheete; bi oogoonoo giishiiheete; boonoshi tuniyemmoyich Yeeri qaawiibeeti mooyonoo tuniyoon qajjiyeete. Ebich nalloo boonoshi toommooch kindemmo bi tunoon gettiye. Tunebaani Yeerin shattiibeeti asheenaꞌo, Yeeri bi macaafooch boonoshi shigoon bi kooritoyich, bulli aaboon Yeerichi kexooch emiroona beeyemminaꞌo boonoshi tunetoyichoo, boonoshi shataachemmoyich gettiye.
Inde Moochi Sheqqo
Yeeri Israꞌeeleenaꞌon shuno (1:1-5)
Yeerin Israꞌeeleenaꞌo giishiyoo (1:6–2:16)
Yeerichi nalloonaa bi gibenikkiti gibenoona (2:17–4:6)
Actualmente seleccionado:
Milikiyaasi Gimo: KBRC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
SIM International, 2020.