SAKALIA 13
13
Fakamaa o Iselaele
1I te aho aia, e avahi anai he matapuna vai
Ki te fale o Tavite pea mo te hahai o Selusalemi,
Ki te agahala pea mo te uli.
2I te aho aia, e ui e te Eteleno o te atu fua tau:
E au tuusi anai i te fenua te u higoa o te u taulaatua,
O tupu ke aua naa toe manatu kia natou;
E au too anai i te fenua te kau polofeta loi mo te laumalie uli.
3Kapau e kikite anai he tahi,
E ui anai kia ia e tana tamai mo tana fae, ae nee na fakatupu ia ia:
E mole ke mauli anai, koteuhi e ke fakaha ni loi i te huafa o te Eteleno!
Pea e hukii anai ia ia e tana tamai mo tana fae ae nee na fakatupu ia ia
Moka e kikite anai ia ia.
4I te aho aia, e ufiufi anai te kau polofeta ki anatou sio
Moka e natou kikite anai,
Pea e mole natou toe tui anai he pulupulu fului manu o loi.
5E ui anai e te polofeta taki toko tahi:
E mole au polofeta,
E au gaue kele,
Koteuhi nee au mau ni kele talu mai taku tupu.
6Pea kapau e fehui anai kia ia:
Pe e hau mai fea te u lavea aena i ou nima?
E ina tali anai:
Nee au mau natou i te fale o natou ae nee ofa kia au.
7Heleta, oho ki taku tagata tauhi manu
Pea mo te tagata ae ko toku kaumea!
E ui e te Eteleno.
Taai te tagata tauhi manu,
Pea ke mavete te u ovi!
Pea e au fakamaliu anai toku nima kia natou ae e gaegae.
8I te fenua katoa, e ui e te Eteleno,
E motuhi anai te u vaega tolu e lua i te fenua katoa,
Pea e toe anai te vaega tolu e tahi.
9E au tuku anai te vaega tolu aena ki te afi,
Pea e au fakamaa anai ia ia o hage ko te fakamaa o te paaga,
E au fakamaa anai ia ia o hage ko te fakamaa o te aulo i te afi.
E fetapa anai ia ia ki toku huafa, pea e au tali anai kia ia,
E au ui anai: Ko taku hahai!
Pea e ina ui anai: Ko te Eteleno ko toku Atua!
Actualmente seleccionado:
SAKALIA 13: WB2011
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
