1 BaKorinti 5
5
Inongwa ya bulogwe ububibi
1Sifumwike ukuti mmyinu bulimo ubuhahani, ubuhahani ubu butikubonekamo na mbapanja; ubwa kuti yumo
2egile unkasi gwa gwise. Loli umwe mukwiyumbika itolo, kali mukabagile ukuti musulumaniege fiyo, ukuti asosigwemo
3nkati mmyinu umundu uyu abombile sisisi? Namanga une ngayako kukuko umbili, loli ndiko mu mumbepo; nsitumulile ngani inongwa sya mundu uyu abombile sisisi, ngufwana ndi
4kukuko itolo. Lelo mungamu ya Ntwa Yesu, bo nongene pamopene nanumwe mumbepo namaka ga Ntwa gwitu Yesu,
5fikuti umundu yuyuyu abikigwege mmaboko ga Setano, ukuti umbili gwake gupyutigwege; ko kuti imbepo syake sise
6sipokigwege pisiku lya Ntwa Yesu. Ukwitufya kwinu kukaya kununu. Mukamanya ukuti unkese unnandi itolo gukulunga
7imbuli#imbuli, bamo bikuti imbulumbwa. yosa? Popapo lelo amugusosyepo unkese unkulu, ukuti mwipelege ukuya mbuli imbya, bo apa muli basitankese. Namanga akangʼosi kitu ka Pasa kaboligwe, yo yu Kristi.
8Isaga lelo tusekelege, momma munkese unkulu, momma na munkese umbibi nugwa buniongafu; loli tusekelege nkisyesye ikisitankese ikya bwelu nubwa naloli.
9Nabasimbile mwa kalata gwangu ukuti mungonganaga
10nabahahani; ndikuti mungonganaga nabo napanandi abahahani ba nkisu iki, pamo abanyonywatosa, pamo iminyambuta, pamo naba bikwiputa kufifwani, po patigi musokemo nkisu 11losa. Loli lilino mbasimbile ukuti mungonganaga nagwe uyu ikuyobigwa ukuya gwamyinu, bo nhahani, pamo nnyonywatosa, pamo mwiputa kufifwani, pamo ntukamahelu, pamo ngalabwalwa, pamo inyambuta, — uyu ali bo bunobuno
12yo na fi findu mungalyaga nagwe. Abapanja bo ndi buki nabo ukubalonga? Umwe mutikubalonga ba ba nkipanga?
13Abene abapanja bo ikubalonga yu Kyala. Popapo lelo amunsosyemo mmyinu umundu umbibi uyu.
Actualmente seleccionado:
1 BaKorinti 5: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
