Malaquías 3
3
1Llapanta mandaq Dios Yayam nin: <<Nänita pitsaqnö runakuna alistakuyänanpaqmi willakuqnïta puntäta kachashaq.#Mat. 11.10; Mar. 1.2; Luc. 1.76; 7.27. Tsaypitam shuyaykäyanqayki mandakuq chämur illaqpita templuman yaykunqa. Paymi qamkunawan pactu ruranqäta willakunqa. Rikayta munayanqayki willakuqnïmi shamunqa.
2<<Paymi jutsa rurayanqaykipita purificäyäshunaykipaq lunyaykaq ninanö y taqshakuna jabonnö kanqa.#Mat. 3.10-12. Tsaynö kaykar chämuptin ¿piraq awantanman? Tsaynölla paypa puntanchö ¿piraq ichiranman?#Joel 2.11; Apoc. 6.17. 3Paymi qorita y yuraq qellayta ninawan tsullutsir taqranta jipiqnö levitakunata purificanqa. Noqa munanqänöna sacrificiukunata altarchö waykayaptinmi 4Judá y Jerusalén runakuna sacrificiuta apayämunqanta kushishqa chaskishaq. Unay castankuna sacrificiukunata apayämuptin chaskinqänömi paykuna apayämuptinpis kushishqa chaskishaq>>.
5Llapanta mandaq Dios Yayam nin: <<Kikïmi qamkunata juzgayäshayki brüju kayaptiki, warmiyuq o ollquyuq kaykar jukwan kakuyaptiki, shutïchö äniskir mana cumpliyaptiki, arutsiyanqaykipita mana pägakuyaptiki, viüdakunatawan mamannaq taytannaq waktsakunata ñakatsiyaptiki, juklä runata mana alli rikäyaptiki y noqapita mana mantsakuyaptiki>>.
Diezmutawan ofrendata apayänanpaq ninqan
6<<Noqa Dios Yayam imaypis äninqäta cumplï.#Núm. 23.19; Heb. 13.8; Stg. 1.17. Tsaymi unay castaykikuna Jacobta äninqäta#Gén. 28.13-15; 35.10-12. cumplir qamkunata ushakätsiyashkaqtsu. 7Tsaynö kaykaptinpis qamkunaqa unay castaykikuna kawayanqanpitam leynïkunata cumpliyankitsu. Llapanta mandaq Dios Yaya karmi niyaq: ¡Noqaman kutiyämuy! Noqaman kutiyämuptikiqa yapaymi yanapayäshayki.#Isa. 55.7; Zac. 1.3.
<<Peru qamkunam niyämanki: <¿Imatatan cäsuyashkaqtsu?>
8<<Qamkunam suwapaykäyämanki>>.
<<Tsaynö niyaptiqmi niyämanki: <¿Imatatan suwapuyashkaq?>
<<Diezmutawan ofrendata mana apamurmi suwapayämashkanki. 9Qamkuna llapan nacionnikikunawan suwapayämanqaykipitam maldicionashqa kayanki.
10<<Diezmukunata llapanta wajïchö almacenman apayämuy. Tsaymi wajïchö maytsika mikuy kanqa. Tsaynöllam ciëlu punkuta kichaskir qamkunaman bendicionnïta churamushaq. Rasunpa churamunäpaq kanqäta musyayänaykipaq mä diezmuta apayämuy.#Lev. 27.30; Deut. 12.6; 14.22-29; 26.12; Neh. 13.12; Eze. 44.29-31. Noqa llapanta mandaq Dios Yayam tsaynö nï. 11Mikuykunata ushaq kurukunata ushakätsiptïmi chakraykikunachö mikuynikikunapis y üvaykikunapis alli wayunqa. Noqa llapanta mandaq Dios Yayam tsaynö nï. 12Markaykikunapis täkuy munay kaptinmi llapan nación runakunapis täkuyta munayanqa. Noqa llapanta mandaq Dios Yayam tsaynö nï>>.
Cäsuqkunata llakipänanpaq ninqan
13Mastam Dios Yaya nin: <<Qamkunam conträ parlayashkanki.
<<Tsaynö niptïmi niyämanki: <¿Imatatan contrayki parlayashkä?>
14<<Qamkunam conträ parlar niyanki: <Manakaqllapaqmi Diosta servintsik. ¿Imallapaqtan leyninkunatapis cäsuntsik? Jutsantsikpita llakikushqapis llapanta mandaq Dios Yayaqa manam cäsumantsiktsu. 15Orgullösu runakunam kushishqa kawayan. Jutsa ruraqkunapis rïcum kayan. Dios Yayata mana cäsukuyaptinpis paykunapaqqa manam ima castïgupis kantsu> >>.#Mal. 2.17.
16Tsaymi Dios Yayapita mantsakuqkuna imaypis cäsuyänanpaq kikinkunapura willanakuyarqan. Tsaynö willanakuyanqanta Dios Yaya wiyarmi imaypis yarpäyänanpaq shutinkunata rölluman puntanchö qellqatsirqan.
17Llapanta mandaq Dios Yayam nin: <<Juzganä junaqmi tsay runakunata llakipäshaq. Cäsukuq tsurinta taytan llakipanqannömi noqapis llakipäshaq.#Sal. 103.13. 18Tsaymi runakuna yapay tantiyayanqa cäsumaq kaqkunata llakipanqäta y mana cäsumaq kaqkunata castiganqäta, servimaq kaqkunata alli rikanqäta y mana servimaq kaqkunata mana alli rikanqäta>>.
Actualmente seleccionado:
Malaquías 3: qxn
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2011, Wycliffe Bible Translators, Inc. All rights reserved.