Malaquías 2
2
1<<Sacerdötikuna, qamkunatam niyaq: 2Mana cäsuyämar llapan shonquykikunawan mana respitayämanqaykipitam castigayäshayki. Qamkunaman bendicionnïta churamunqätapis maldicionmanmi tikratsishaq. Llapan shonquykikunawan mana cäsuyämanqaykipitam maldicionmanna tikratsishkä. Noqa llapanta mandaq Dios Yayam tsaynö nï.
3<<Tsaymi qamkunapita miraqkuna wallkayänanpaq ushakätsishaq. Noqapaq apayämunqayki wätakunapa panzantam qaqllaykikunaman laqchimushaq. Tsaynöllam tsay wätakunapa panzantawan jitariyäshayki. 4Tsaynöpam niyanqaqta cäsuyämänaykipaq kanqanta musyayanki. Cäsuyämaptikiqa unay aylluykikuna Leví trïbu runakunawan#Núm. 3.11-13. pactuta ruranqänömi imaypis kanqa. Noqa llapanta mandaq Dios Yayam tsaynö nï.
5<<Leví trïbu runakunawan#2.5 Sacerdötikunaqa Leví trïbu runakunam kayarqan. pactuta rurarmi#Núm. 25.12-13. änirqä yanapaptï alli kawakuyänanpaq. Paykunanam prometiyämarqan imaypis noqapita mantsakuyänanpaq. Tsaymi äninqänölla yanapaptï paykunapis noqapita mantsakur respitayämarqan. 6Leynïkuna ninqannölla yachatsikurmi manakaqkunataqa parlayarqannatsu. Munanqänö kawakurmi jutsa ruraykunata dëjayänanpaq atskaqta tantiyatsiyarqan.#Deut. 33.8-10.
7<<Sacerdöti karmi qamkunapis willakuynïta yachatsiyänaykipaq kaykäyanki.#Lev. 10.11; Deut. 21.5. Llapanta mandaq Dios Yayapa willakuqnin kayaptikim yachakuyta munar qamkunaman shayämun. 8Peru qamkuna mana allikunata rurar mana allikunata yachatsikuyaptikim atskaq runakuna jutsata rurayashqa. Tsaynö karmi Leví trïbuwan pactu ruranqäta manakaqman churaykäyanki. Noqa llapanta mandaq Dios Yayam tsaynö nï. 9Leynïkunata mana cäsurmi wakin runakunata alli rikar wakin kaqtaqa mana alli rikäyanki. Tsaynö kayanqaykipitam runakuna mana respitayäshunaykipaq y manakaqman churayäshunaykipaq dëjayashkaq>>.
Mana llullatsinakuyänanpaq yätsinqan
10Dios Yayaqa ¿manaku llapantsikpa Taytantsik?#Isa. 63.16; 64.8; Efe. 4.6. ¿Manaku juk Dioslla llapantsikta kamamashkantsik? Tsaynö kaykarqa ¿imanirtan juknin jukninwanpis llullatsinakur unay castantsikkunawan Dios Yaya pactu ruranqanta manakaqman churaykantsik?
Ïduluta adoraq warmiwan mana churakäyänanpaq ninqan
11Dios Yaya mandakunqanta cumpliyänanpaq äniykarpis Judá runakunaqa manam cumpliyantsu. Tsaymi Jerusalénchö y entëru Israelchö ïdulu adoraq warmikunawan penqakuypaq churakäyan. Tsaynö rurarmi Dios Yaya kuyanqan templunta manakaqman churayan. 12Ïduluta adoraq warmiwan churakaq runataqa Dios Yayam mana llakipaypa Israel runakunapita qarqunqa. Tsaynömi qarqunqa pï kaptinpis y llapanta mandaq Dios Yayapaq ofrendata apamuptinpis.
Warminpita rakikäyanqanpita plëtunqan
13 Dios Yayapa altarninman wätakunata y tsaki mikuykunata apayaptikipis manam chaskiyäshunkitsu. Tsaymi altarnin lädunchö jirpur jichar waqar 14niyanki: <<¿Imanirtan chaskimantsiktsu?>>
Payqa manam chaskiyäshunkitsu jöven kaykar churakäyanqayki warmikikunawan rakikashqa kayaptiki. Tsaynö rakikäyarqayki payllawan täkuyänaykipaq Dios Yayapa puntanchö pactuta rurashqa kaykarmi.
15¿Manaku jukllayllanö kayänanpaq ishkantapis Dios Yaya kamarqan? Cuerpunpis y espïritunpis paypam. ¿Manaku musyayanki imanir jukllayllanö kayänanpaq kamanqanta? Tsaynö kamarqan tsay runapa tsurinkuna Dios Yaya munanqannö kawayänanta munarmi. Tsaynö kaykaptinqa shumaq tantiyakuyay jöven kaykar churakäyanqayki warmikiwan mana rakikar kawakuyänaykipaq.
16Israel runakuna adorayanqan Dios Yayam nin: <<Noqam alläpa rabyakü warminkunapita rakikäyaptin. Tsaynö rakikarmi alläpa penqakuypaq kayan. Noqa llapanta mandaq Dios Yayam tsaynö nï. Tsaynö kaykaptinqa warmikikunawan mana rakikar täkuyänaykipaq shumaq yarpachakuyay>>.#Gén. 2.24; Prov. 5.18; Mar. 10.2-9; Efe. 5.21-33.
Runakunata juzgananpaq ninqan
17Qamkunaqa mana allikunata parlarmi Dios Yayata alläpa rabyatsiyanki. Tsaynö kaykarmi tapukurraq niyanki: <<¿Imanötan Dios Yayata rabyatsiyashkä?>>
Paytam rabyatsiyashkanki kaynö parlar: <<Imanö kawashqapis Dios Yaya manam juzgamäshuntsu. Jutsata rurar kawashqapis Dios Yayapaqqa allim. Imanö kawashqapis payqam kushikun>>.#Mal. 3.14-15.
Actualmente seleccionado:
Malaquías 2: qxn
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2011, Wycliffe Bible Translators, Inc. All rights reserved.