Isaías 4
4
1Tsay witsaymi wallkaqllana kawaykar quëdayanqa. Tsaymi qanchis warmikuna juk runallata rugar niyanqa: <<Mikuyänäpaq kikïkunam arukuyäshaq. Llatapäkunapis kikïkunam rurakuyäshaq. Peru japalläkuna kayanqäta pipis mana musyapäyämänanpaq qojäkuna kaykullay>>.
Shamuq watakunachö kushishqa kawayänanpaq ninqan
2Tsay witsay Dios Yaya tseqllitsimunqanmi alläpa kuyakuypaq y kushikuypaq kanqa.
Mikuy alli poquptinmi kawaykar quëdaqkuna kushishqa y respitashqa kawakuyanqa.
3Tsaymi Sión lömachö quëdaqkunapaq y Jerusalénchö dëjayanqan kaqkunapaq runakuna niyanqa:
<<Paykunam Dios Yayata serviq santu runakuna kayan>>.
Tsay niyanqannömi kanqa llapanpis Jerusalénchö padronashqa kaqkuna.
4Jerusalén runakunata Dios Yaya castigarmi jutsa ruraq kayninkunata y wañutsikuq kayninkunata limpianqa.
5Tsaypitam Sión lömata y tsaychö qorikashqa runakunata yana pukutaywan tsapanqa.
Tsay pukutaymi jatun carpa mashtaraqnö paykunata tsaparanqa.
Paqaspanam lunyaykaq ninata yuritsimunqa.
Tsay jananchömi Dios Yayapa chipakyaynin kanqa.
6Tsaynöpam achaypis rupanqatsu
ni tamyapis oqunqatsu
ni shukukuypis apanqatsu.
Actualmente seleccionado:
Isaías 4: qxn
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2011, Wycliffe Bible Translators, Inc. All rights reserved.
