Eclesiastés 11
11
1Tantaykita yakuman jitay.
Waray warantinmi tsay jitanqaykita tarinki.#11.1 Kay versïculuchömi nin allita rurarqa bendicionta chaskinapaq kanqanta.
2Tsay ninqannölla kanqanpita pïmaytapis yanapay.
Waray warantinkuna imapis päsashuptikim qamtapis yanapashunki.
3Pukutay yanayparaq juntaptinmi tamyamunanpaq kanqanta musyantsik.
Jacha witsaypa ishkiptin o uraypa ishkiptinpis musyantsikmi ishkinqallanchö ushakänanpaq kanqanta.
4Desiertupita wayra shamuptinmi manaraq murupakunapaq kanqanta musyantsik.
Lamarpita pukutay shärimuptinmi manaraq cosechanapaq kanqanta musyantsik.
5Peru manam musyantsiktsu wayra maypa aywanqanta,#Juan 3.8.
mamanpa pachanchö wamra imanö rurakanqanta#Sal. 139.13-16.
y imaykatapis kamaq Dios Yaya imata ruranqantapis.
6Tsaynöllam musyantsiktsu punta muruy o qepa muruy mas alli wayunanpaq kanqanta.
Talvezqa ishkanpis allim wayunqa.
Tsaymi puntata y qepatapis murupakushun.
Jövinkunata yätsinqan
7Atsikyay patsachö kawayqa alläpa kushikuypaqmi. 8Atska wata kushishqa kawarpis wañurqa manam imaypis atsikyayta rikankinatsu. Manam musyankitsu wañukur imanö kanaykipaq kanqantapis.
9Jövinkuna, jöven kayanqaykiyaq shonquyki munanqannö kushishqa kawakuyay. Peru tantiyayay llapan rurayanqaykipitapis Dios Yaya juzgayäshunaykipaq kanqanta. 10Jöven kayanqaykipis päsaqlla kaykaptinqa mana rabyanaypa y jutsata mana ruraypa kawakuyay.
Actualmente seleccionado:
Eclesiastés 11: qxn
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2011, Wycliffe Bible Translators, Inc. All rights reserved.
