भजनमैं 95
95
परमेश्वरजी बिबै ताँ ङिंदै खीए मिं थेब् लब
1खो, याहवेहए मिंर ङ्यो क्वे प्रिंले!
ङ्यो रक्षा लमिंबै पारा ङाँर ह्यासि सैं तोंदै कै तेसि ओरले!
2धन्यबाद पिंदै खीए ओंसों ह्याले,
सैं तोंदै कै तेसि खीए मिं थेब् लले!
3तलेबिस्याँ याहवेह बेल्ले थेबै परमेश्वर ग,
ताँन् देवतामैंए फिर्बै थेबै म्रुँ खीन् ग।
4खीए योर पृथ्बीर्बै गैरु-गैरु क्ल्ह्योमैं मुँ,
नु-नुबै क्लिं क्हाँए च्होमैं या खीलन् ग।
5मा ङ्युँइ खीलन् ग, खीजीन् च बनेब् ग,
धै कार क्ल्ह्यो या खीए योजीन् बनेब् ग।
6खो, क्र कुरसि खीलाइ फ्योले
धै ङ्यो बनेबै याहवेहए ओंसों च्हि तुँले!
7तलेबिस्याँ खीन् ङ्योए परमेश्वर ग,
धै ङ्यो खीए खर्गर्बै क्युमैं,
नेरो खीए म्हिमैं ग।
तिंयाँ क्हेमैंइ खीए कै थेद्!
8याहवेहजी छले बिमुँ,
“क्हेमैंए खेमैंइ मेरीबा#95:8 मेरीबा हिब्रू क्युइरि, प्होंगि कैगि। नेरो क्यु आयोंबै क्ल्ह्योर्बै मस्साहर#95:8 मस्साह हिब्रू क्युइरि, जाँच लब लब् धोंले
ह्रोंसए सैं सारो आलद्।#हिब्रू ३:१५; ४:७
9चर ङइ लबै केमैं क्हेमैंए खेमैंइ म्रोंसे या
चमैंइ ङए जाँच लइ।#प्रस १७:१-७; गन्ती २०:२-१३
10छतसि च त्हेर्बै म्हिमैंने ङ प्लिच्यु बर्ष समा बेल्ले ह्रिस खसि बिइ,
‘चु म्हिमैंइ ङए घ्याँ आसेइमुँ,
चुमैंए सैं ङ ङाँइले ह्रेंगो तयाइमुँ।’
11छतसि ‘ङइ भों न्हल् पिंबै क्ल्ह्योर चुमैं खोंयोंइ होंल् योंरिब् आरे!’ बिसि#हिब्रू ३:७-११#गन्ती १४:२०-२३; व्य १:३४-३६; हिब्रू ४:३-५; व्य १२:९,१०
ह्रिसर ङइ कसम चइ।”
Actualmente seleccionado:
भजनमैं 95: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
