भजनमैं 76
76
क्हिए उँइँर खाब् राल् खाँमुँ?
क्वे प्रिंब्मैंए चिबलाइ बीणा-सारङ्गीं ह्रादै प्रिंबै आसापए भजन घ्रि, क्वे घ्रि।
1यहूदा ह्युलर्बै म्हिमैंइ परमेश्वर ङो सेइमुँ;
इस्राएलर खीए मिं बेल्ले थेब मुँ।
2यरूशलेमर#76:2 यरूशलेम हिब्रू क्युइर, शालेम खीए तम्बु मुँ,
खी टिबै क्ल्ह्यो सियोन बिबै कोंर मुँ।
3चर शत्तुरमैंए लुँरिबै मेमैं, ढालमैं, सेलाँ
नेरो ल्हडें लमा छेबै हतियारमैं खीजी चोवाइ। तिस्याँदे मैंन्
4क्हि बेल्ले चारबै ह्वे ग,
ह्रोंसए शत्तुरमैं ट्होवासि कोंउँइँले क्युरु युमा क्हि बेल्ले ङ्हो ल्होंब्मुँ।
5भोंबै सैं मुँबै सिपाइमैंए ताँन् सैमैं लुडिवाइमुँ,
झाइले चमैं सिसि थेबै न्हरु च्हुइरिइमुँ।
धै च नेल् खाँब्मैंए भों नुयासि यो क्वेल् आखाँइमुँ।
6ओ याकूबए परमेश्वर, क्हिजी हौदिमा
घोडा नेरो चर क्रेब्मैं ङ्हिंन-ङ्हिंन् ओलेल् आखाँब् तयाइ।
7दिलेया ओ याहवेह, क्हिने मत्त्रे ङ्हिल् त्हुब मुँ!
क्हि ह्रिस खमा
क्हिए उँइँर खाब् राल् खाँमुँ?
8ओ परमेश्वर, क्हिजी स्वर्गउँइँले निसाफ लइमुँ;
9पृथ्बीर्बै आगुए न्होंर मुँब्मैं ताँन् जोगेबै ल्हागिर
क्हि निसाफ लबर रेमा
पृथ्बीर्बै म्हिमैं ङ्हिंसि आपोंल्ले टिइ। तिस्याँदे मैंन्
10क्ह्रोंसेंन् म्हिमैंने क्हिए ह्रिस खमा#76:10 म्हिमैंने क्हिए ह्रिस खमाउ, म्हिमैंइ ह्रिस ललेया क्हिए मिंन् थेब् लब्मुँ;
झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ#76:10 क्हिए ह्रिसउँइँले सोब्मैंइ आछ्याँबै के लब पिवाब्मुँ हिब्रू क्युइर चु पद स्पष्ट आरे। अर्को अनुबाद छाबन लल् खाँम्: सेलाँ खिब् धोंले क्हिजी शत्तुरमैंए बिरोधर क्हिए आनुबै ह्रिस खिम। ।
11याहवेह क्हेमैंए परमेश्वरने लबै भकलमैं पूरा लद्;
खीए खागु मुँबै ह्रेंमैंइ खीलाइ बालि फोरिगे।
खीजी ताँनलाइ ङ्हिंबर ल्हैदिब्मुँ।
12थेब् प्हैंबै क्रथे मिंथेमैं खीजी कुरवाम्;
पृथ्बीर्बै म्रुँमैं खीने ङ्हिंम्।
Actualmente seleccionado:
भजनमैं 76: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
