भजनमैं 7
7
ठिक निसाफ लमिंन् बिसि प्राथना लब।
दाऊदइ याहवेहए उँइँर बेन्यामीनि कूशए बारेर प्रिंबै भजन#7:0 भजन हिब्रू क्युइर, शिग्गागोन घ्रि।
1ओ ङए याहवेह परमेश्वर, ङ ग्वार योंबर क्हिए प्हलेर्न खमुँ;
ङलाइ दुःख पिंबर ल्हाखब्मैं ताँनउँइँले ङ जोगेमिंन् धै फ्रेमिंन्।
2क्हिजी आजोगेमिंस्याँ चमैंइ सिंहइ धोंले ङ रुएवाब्मुँ,
धै ङलाइ फ्रेमिंबै म्हि खाबै आरेमा चमैंइ ङ कुदु-कुदु लवाब्मुँ।
3ओ ङए याहवेह परमेश्वर,
ङए योइ तोइ आछ्याँबै केमैं#7:3 आछ्याँबै केमैं मतलब, कूशइ ल्हैदिबै छ्याब क्ह्रोंसेंन् तस्याँ लइमुँ बिस्याँ,
4छलेन ङए थुलाइ ङइ तोइ न्होह्रों लस्याँ,
धै ङए शत्तुरलाइ ङइ फाक्कर्न लुडिस्याँ
5ङए शत्तुरइ ङलाइ ल्हामा चइ ङ स्यारिगे,
धै ङलाइ सैसि सर प्लेवारिगे;
धै ङए ज्यु त्हुलर कोंवारिगे। तिस्याँदे मैंन्
6ओ याहवेह, ह्रिस खमा रेद्,
धै ङए शत्तुरमैंने नेबर क्हिन् रामिंन्;
ओ ङए परमेश्वर, रेद, ङए ठिक निसाफ लमिंन्।
7ह्रें-ह्रेंमैं क्हिए कारग्यु तरिगे,
धै नुबै क्ल्ह्योउँइँले चमैंए फिर ग्याल्स लद्।
8याहवेहजी ताँन् ह्रेंमैंए फिर निसाफ लब्मुँ।
ओ याहवेह, ङइ लबै ठिक के अनुसार्बै नेरो
ङने तोइ छ्याब् आरेब अनुसार्बै ङए ठिक निसाफ लमिंन्।
9ओ ठिक निसाफ लबै परमेश्वर,
सैं नेरो खों खैतब मुँ बिसि क्हिजी ङ्ह्योम्।
दुष्ट म्हिमैंइ लबै आछ्याँबै केमैं सदसुदुले म्हवाद्,
दिलेया ठिक के लब्मैं भोंब लमिंन्।#दर्शन २:२३
10परमेश्वरन् ङए ढाल ग,
छ्याँबै खों मुँब्मैं खीजी जोगेमिंम्।
11परमेश्वरजी ठिक निसाफ लम्,
धै खीजी त्हिंइ ह्रोंसे दुष्टमैंए फिर ह्रोंसए ह्रिस उँइँम्।
12म्हिमैंइ सैं आएस्याँ खीजी ह्रोंसए सेलाँ म्याब्मुँ;
खीजी ह्रोंसए त्हलेर छोइ फैसि तयार लब्मुँ।
13खीजी ङ्हिंन् ङ्हाँबै हतियारमैं खुथेंइमुँ,
धै खीजी मेमैं मिए प्हैं लसि चमैंलाइ ल्हिब्मुँ।
14दुष्टमैंए सैंर आछ्याँबै ताँमैंइ प्लिंरिम्,
चमैंइ आगुलाइ दुःख पिंबै ताँमैं मैंरिम्;
चमैंइ स्योलिबै ताँमैं लम्।
15चमैंइ ताबै थेबै होंर
चमैं ह्रोंसन् पायाम्।
16चमैंइ लबै आछ्याँबै केमैंए दण्ड चमैंए क्रर्न खम्,
चमैंइ लबै दुष्ट केमैं चमैंए क्रर्न कुखम्।
17याहवेहजी ठिक निसाफ लम्, छतसि ङ खीलाइ धन्यबाद पिंम्,
धै ताँन् भन्दा थेबै याहवेहए मिंर ङ क्वे प्रिंब्मुँ।
Actualmente seleccionado:
भजनमैं 7: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
