भजनमैं 53
53
आमादुमैंइ “परमेश्वर आरे” बिम्।
क्वे प्रिंब्मैंए चिबए ल्हागिर दाऊदए मस्किल#53:0 मस्किलए मतलब पक्का था आरे, दिलेया ज्ञान बुद्धि पिंबै क्वे मुँलै। घ्रि। माहालत बिबै भाकार प्रिंल् त्हुम्।
1आमादुमैंइ ह्रोंसए सैंर “परमेश्वर आरे!” बिमुँ।
चमैंइ आछ्याँबै केमैं लमुँ, चमैं छेरन् ङ्हाँन् तब्मैं मुँ;
छ्याँबै के लब्मैं खाबै आरे।
2ताँ क्होब्मैं नेरो परमेश्वर म्हैब्मैं
खाबै मुँ उ बिसि
परमेश्वरजी स्वर्गउँइँले म्हिमैंलाइ ङ्ह्योम्।
3चमैं ताँन् आछ्याँबै घ्याउँइँ प्रयाइ,
धै चमैं ताँन् छेरन् ङ्हाँन् तयाइमुँ।
खाबज्यै छ्याँबै के आल,
छ्याँबै के लब्मैं घ्रि या आरे।#रोम ३:१०-१२
4चु आछ्याँबै के लब्मैंइ तोइ आसे वा?
ह्योइ लुडिब् धोंले चुमैंइ ङए म्हिमैं लुडिसि ह्रोंसए फो न्हम्,
चुमैंइ परमेश्वरए मिं खोंयोंइ आकिं।
5ङ्हिंलन् आत्हुबै क्ल्ह्योरै या
चमैं ङ्हिंसि त्हारब्मुँ,
क्हेमैंए बिरोधर राब्मैंलाइ परमेश्वरजी चमैंए ह्रुबि या सग्याँ-प्हुग्याँ लवाब्मुँ।
तलेबिस्याँ परमेश्वरजी चमैं आखो; छतसि क्हेमैंइन चमैंलाइ फापिल् लल् खाँम्।
6इस्राएलए मुक्ति पिंबै म्हि सियोनउँइँले युस्याँ कति छ्याँब् तमल!
धै परमेश्वरजी ह्रोंसए म्हिमैंलाइ धबै सुख पिंमा
याकूब निस्योरिगे, इस्राएल सैं तोंरिगे!
Actualmente seleccionado:
भजनमैं 53: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
