भजनमैं 20
20
म्रुँए ल्हागिर प्राथना
क्वे प्रिंबै चिबए ल्हागिर - दाऊदए भजन घ्रि।
1ओ म्रुँ, दुःखए त्हेर ग्वार ह्रिमा याहवेहजी क्हि ल्होमिंरिगे,
याकूबए परमेश्वरजी क्हिए रक्षा लमिंरिगे।
2खीजी ह्रोंसए पबित्र क्ल्ह्योउँइँले क्हिलाइ ल्होमिंरिगे,
छले खीजी सियोनउँइँले क्हि ल्होमिंरिगे।
3क्हिइ पिंबै ताँन् भेटिमैं खीजी मैंरिगे,
धै क्हिइ ख्रोंइ पिंबै ख्रोमैं म्रोंसि खी सैं तोंरिगे। तिस्याँदे मैंन्
4क्हिए सैंर मैंबै ताँमैं खीजी योमिंरिगे,
धै क्हिइ लल् म्हैबै ताँन् केमैंर आशिक पिंरिगे।
5क्हिजी ट्होमा ङि सैं तोंदै क्हिए जय-जय लब्मुँ,
धै ङिए परमेश्वरए मिं क्वेदै ङि ह्रोंसए झन्डा क्वेब्मुँ।
याहवेहजी क्हिइ ह्रिबै तोन्दोंरि सैमैं पिंरिगे।
6याहवेहजी ह्रोंसजी त्हाँबै म्हिलाइ ल्होमिंमुँ।
खीजी खीए पबित्र स्वर्गउँइँले ह्रोंसए क्योलो योर मुँबै जोगेमिंबै भोंउँइँले,
ह्रोंसइ त्हाँबै म्हि जोगेमिंब्मुँ बिसि ङइ तोगो सेइमुँ।
7कोइइ रथमैंए फिर, कोइइ घोडामैंए फिर भर लम्,
दिलेया ङिम् ङिए याहवेह परमेश्वरए मिंर्न भर लम्।
8चमैं क्र कुरसि क्हुरयाम्,
दिलेया ङिम् आक्हुरल्ले राम्।
9ओ याहवेह, म्रुँलाइ ट्होगों लमिंन्,
धै ङिइ ग्वार ह्रिमा ङिलाज्यै ल्होमिंन्।
Actualmente seleccionado:
भजनमैं 20: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
