भजनमैं 123
123
ङिए याहवेह परमेश्वर ङाँइँन ङिए मि ङ्ह्योरिम्।
कैंडो क्रेबै त्हेर्बै क्वे
1ओ स्वर्गर्बै राजगद्दिर टिबै परमेश्वर,
क्हि ङाँइन ङ ङए मि क्वेइमुँ।
2खैले केब्छैंमैंए मिइ
ह्रोंसए क्ल्हेए योउँइँ ङ्ह्योमुँ,
खैले क्येब्स्योए मिइ
ह्रोंसए क्ल्हेस्योए योउँइँ ङ्ह्योमुँ,
छलेन ङिए याहवेह परमेश्वरजी ङिए फिर ल्हयो आखन् समा
ङिए मि खी ङाँइँन ङ्ह्योरिम्।
3ङिए फिर ल्हयो खमिंन्, ओ याहवेह, ङिए फिर ल्हयो खमिंन्,
तलेबिस्याँ म्हिमैंइ प्ह्रब ङिइ ल्हें सैदिइमुँ।
4थेब प्हैंब्मैंइ प्ह्रब
नेरो ह्रब् सेब् प्हैंब्मैंइ हेल लब
ङिइ ल्हें सैदिरिइमुँ।
Actualmente seleccionado:
भजनमैं 123: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
