भजनमैं 110
110
ङए क्योलोउँइँ टिद्
दाऊदए भजन घ्रि।
1“ङइ क्हिए शत्तुरमैं क्हिए प्हले न्होंर आप्लेन् समा
क्हि ङए क्योलोउँइँ टिद्,” बिसि
याहवेहजी ङए प्रभुने बिइमुँ।#मत्ती २२:४४; मर्क १२:३६; लूक २०:४२-४३; चिब्मैं २:३४-३५; १ कोर १५:२५; एफि १:२०-२२; कल ३:१; हिब्रू १:१३; ८:१; १०:१२-१३
2“क्हिजी भोंन्ले ग्याल्स लब सियोनउँइँले ल्हें क्ल्ह्योर फेनेरिगे,” बिसि
याहवेहजी क्हिलाइ हग#110:2 हग हिब्रू क्युइर, म्रुँए प्हरे पिंब्मुँ।
“क्हिए शत्तुरमैंए फिर क्ल्हे लद्!
3क्हिजी नेल् त्हुबै त्हिंइर
क्हिए म्हिमैं खेंमैंए सैंइ मैंसि नेबै ल्हागिर न्हागर्न खब्मुँ।
न्हाँगर्बै शीत धोंले क्हिए फ्रेंसिमैं
सियोनए पबित्र कोंमैंर#110:3 सियोनए पबित्र कोंमैंर उ, चोखो क्वेंमैं खिसि क्हि ङाँर खब्मुँ।”#110:3 चु पदरि हिब्रू ताँ इस्पस्ट आरे।
4“मल्किसेदेकए पदरि
क्हि खोंयोंन् बिलै खेगि तब्मुँ,”#उत १४:१८-१९; हिब्रू ५:६; ६:२०; ७:१७,२१
बिसि याहवेहजी कसम चइमुँ।
खीए सैं फेर्दिरिब् आरे।
5ओ याहवेह, ङए प्रभु अधिकार किंसि#110:5 अधिकार किंसि उ, रक्षा किंसि क्हिए क्योलोउँइँ टिम्;
ह्रिस खबै त्हेर खीजी म्रुँमैं त्हुलफुँ लवाब्मुँ।#भज २
6खीजी ह्रें-ह्रेंमैंए निसाफ लमा
ल्हें सिनुमैं खागु लब्मुँ;
धै पृथ्बी तिगोंर्बै म्रुँमैं
त्हुलफुँ लवाब्मुँ।#दर्शन १९:११-१८
7खी म्रुँ तसि
ग्याल्स लबै अधिकार योंब्मुँ;#110:7 ग्याल्स लबै अधिकार योंब्मुँ उ, खीजी घ्याँए रेर्बै स्योंर्बै क्यु थुँब्मुँ
छले खी भोंब तसि शत्तुरमैंए फिर ट्होगों तब्मुँ।
Actualmente seleccionado:
भजनमैं 110: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
