भजनमैं 1
1
भाग घ्रि
भजनमैं १—४१
क्ह्रोंसेंन्बै सैं तोंल् लबै ठिक घ्याँ
1दुष्टमैंए सल्लार आप्रब,
नेरो पापिमैंइ लब् धोंले आलब,
धै परमेश्वर स्यारब्मैंने बालु आटिबै म्हिइ
आशिक योंम्।
2दिलेया याहवेहए ठिमर्न (नियमर्न) च सैं तोंरिमुँ,
धै त्हिंयाँ म्हुँइँस खीए ठिम सैंर थेंरिम्।
3च स्योंए रेर रुँइँबै सिंधुँ धोंन् तम्।
चइ रो रोल् त्हुबै त्हेर रो पिंम्,
धै चए प्हो खोंयोंइ आङ्योंलों।
चइ तो के ललेया छ्याँब तम्।#यर १७:८
4दुष्ट के लब्मैं बिस्याँ छाब आत!
चमैं खैंइ नोइ बोयाबै पुइ धोंन् तम्।
5छतसि दुष्ट के लब्मैं निसाफ लबै त्हेर राल् खाँरिब् आरे,
धै पापिमैं ठिक के लब्मैंने बालु टिल् योंरिब् आरे।
6छलेन याहवेहजी ठिक के लब्मैं प्रल् त्हुबै घ्याँर रक्षा लमिंम्,
दिलेया दुष्ट म्हिमैं बिस्याँ नास तबै घ्याँर प्रम्।
Actualmente seleccionado:
भजनमैं 1: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
