Salmos 4
4
Oración che' ti ic'ajel
1C Dios, tojetʌch. Jac'beñon c t'an che' mic pejcañet.
Che' bʌ tsa cubi wocol tsa' ñuq'uesʌbeyon c pusic'al.
Pʌsbeñon i yutslel a pusic'al. Ubibeñon coración.
2Winicob, ¿jayp'ejl to q'uin mi caj la' ts'a'libeñon c ñuclel?
¿Jayp'ejl to q'uin mi caj la' c'uxbin jini dioste' tac?
¿Jayp'ejl to q'uin mi caj la' mulan lot?
3Ña'tanla, i cha'añobʌch lac Yum jini mu' bʌ i bʌc'ñañob. Lac Yum tsi' yajcayob.
Lac Yum mi' yubiñon che' mij c'ajtiben j coltʌntel.
4Bʌc'ñanla lac Yum. Mach mi la' cha'len mulil.
Ña'tanla Dios ti la' pusic'al che' añetla ti la' wʌyib. Ñʌch'ʌl yom la' pusic'al.
5Aq'uenla tsʌnsʌbil bʌ i majtan che' bajche' yom Dios.
Ñopola lac Yum.
6Cabʌlob mi' yʌlob:
¿Majqui mi caj i pʌsbeñonla chuqui tac wen? che'ob.
C Yum, q'ueleyon lojon ti uts'at.
7Tsa' wʌq'ueyon i tijicñʌyel c pusic'al ñumen bajche' mi' tajob winicob
Che' mi' p'ojlel i cuch cholel yic'ot i ya'lel ts'usub.
8Ti' ñʌch'tʌlel c pusic'al mi caj c ñoltʌl. Mij caj ti wʌyel,
Come jatet jach c Yum, ma' cʌntañon cha'an mi cajñel ti xuc'ul.
Actualmente seleccionado:
Salmos 4: CTU77
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Chol de Tumbalá Bible © Bible Society of Mexico, 1977. Active Translation in Process
