زبُور 113
113
خُداوند کی شفقت کی تعرِیف اور ثنا
1خُداوند کی حمد کرو۔
اَے خُداوند کے بندو! حمد کرو۔
خُداوند کے نام کی حمد کرو۔
2اب سے ابد تک
خُداوند کا نام مُبارک ہو!
3آفتاب کے طلُوع سے غرُوب تک
خُداوند کے نام کی حمد ہو۔
4خُداوند سب قَوموں پر بُلند و بالا ہے۔
اُس کا جلال آسمان سے برتر ہے۔
5خُداوند ہمارے خُدا کی مانِند کَون ہے
جو عالمِ بالا پر تخت نشِین ہے
6جو فروتنی سے
آسمان و زمِین پر نظر کرتا ہے؟
7وہ مِسکِین کو خاک سے
اور مُحتاج کو مزبلہ پر سے اُٹھا لیتا ہے
8تاکہ اُسے اُمرا کے ساتھ
یعنی اپنی قَوم کے اُمرا کے ساتھ بِٹھائے۔
9وہ بانجھ کا گھر بساتا ہے
اور اُسے بچّوں والی بنا کر دِل شاد کرتا ہے۔
خُداوند کی حمد کرو۔
Actualmente seleccionado:
زبُور 113: URD
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Revised Urdu Holy Bible © Pakistan Bible Society, 1970, 2010.
