2 Samuel 16
16
David le Ziba
1 #
2 Sam 9:9-10. Chuin David'in molsang chungvum phabep akhel nungin, veuvin, Mephibosheth sohpa Ziba'in sangan ni apho pumle achunga chanlhah pheng jani, lengpithei gop boh jakhat, chule nipilai theiga jat jakhat, chule ju haikhat toh ana kimupin ahi. 2Chuin lengpan Ziba jah-a, Hiche nabolhi ipi vetsahna ham? ati. Chuin Ziba'n, Sanganho hi lengpa insung mite touna ding ahin, chule changlhah leh nipilai theigahohi gollhangho nehding ahin, chule juhi gamthipma lhasamho donding ahi, ati.
3 #
2 Sam 19:26-27. Chuin lengpan, Chuti ahile, napakai pa chapa lah-em? ati. Chuin Ziba'n lengpa henga, Ven, ama Jerusalem'a aume: ijeh inem itile aman, Tunia Israel insungin kapa lenggam eilosah dingu ahi, ati.
4Hiche phatchun lengpan Ziba henga, Ven, Mephibosheth nei jouse chu nangma-a ahitai, ati. Chuin Ziba'n, namitmu-a lungsetna kachan theina dinga, ka pakai, vo lengpa, nahenga katao ahi, ati.
David le Shimei
5Chuin David lengpa Bahurima ahung phatnin, veuvin, chua konchun Gera chapa Shimei kiti Saul insungmi khat ahungdoh-in ahi. Ama ahung potdoh-in, alamjot toh gaosap ahin koppeh-in ahi. 6Chuin aman David le, David lengpa sohte jouse chu songin ahin sepmin: chule miho jousele mihat ho jouse jet le veija aumun ahi. 7Chule Shimei'in agaosap laijin hitin aseijin ahi, Hung doh-in, hung doh-in, nangma thisan sopa le Belial mipa #16:7: Belial mipa: Pannabei mipa. : 8Akhela navaihom, Saul le a-insung pumpi thisan chu Pakaiyin nachunga ahinle lhunsah ahin; chule Pakaiyin lenggam chu nachapa Absalom khutna apehdoh ahitai: chule ven, nangma thisanso hat nahi jeh-a, nathemmona chu nachunga chua ahitai, ati.
9Chuphatnin Zeruiah chapa Abishai'in lengpa henga, Ipidinga hiche uicha thisa hin ka pakai lengpa hi agaosap ham? nahenga katao ahi, galkaijing ting, alu galange, ati.
10Chuin lengpan, Nangho Zeruiah chapate, nangho le kei ikibahnao ipi umam? Eigaosap hen, ajehchu Pakaiyin ahenga, David khu gaosapmin, ati ahi. Chuti ahile, Ipidinga nangin hiti ahi nabol ham? tia aseidinga chu koiham? ati. 11Chuin David'in Abishai le asohte jouse henga, veuvin, ka-oisunga kona hungdoh kachapa jengin kahinna lahdinga ahola ahile; tu-a hi hiche Benjamin miten ichan geija ahol dingu ham? Limsah hih-un, agaosap nom chanin gaosaphen; ajehchu Pakaiyin asol ahi. 12Chuti henlang hile Pakaiyin kagen theina hinve intin, tunia aman eisapset nahi Pakaiyin aphalama eilethuhpeh ding ahi, ati. 13Chule David le amiho chu lampia ache laijun, Shimei chu molpanga chun ama dontah-a achen, achepum chun agaosapmin, chule songin asepmin leivui athekhumin ahi. 14Chuin lengpa le aumkhompi mihochun alel taovin; hijeh chun amaho hia chun akicholdo taove.
Jerusalem'a Absalom
15Chuin Absalom le Israel mite jouse chu Jerusalem'a ahungun, chule ama Ahithophel toh ahi. 16Chuin ahitin ahi, David golpa Arch mi Hushai chu Absalom henga ahung phatnin, Hushai'in Absalom henga, Pathen'in lengpa huhhing hen, Pathen'in lengpa huhhing hen, ati.
17Chuin Absalom'in Hushai henga, Hichehi nagolpa nahepina ham? ipidinga nagolpatoh lhonlou nahim? ati.
18Chuin Hushai'in Absalom henga, Ahipoi, Pakai le hiche mite, chule Israel mipi ho jousen alhen paova chu kahi ding, chule keima ama toh kaumding ahi. 19Chujongle, keiman koi kajen dingham? Achapa chu kajen ding hilouham? Napa kajen banga chu nangma kajending ahi, ati.
Ahithophel Thumop
20Chuphat chun Absalom'in Ahithophel henga, Ipi kabol dinguham neithumop uvin, ati.
21Chuin Ahithophel'in Absalom henga, Napan inngah dinga akoi athaikemho henga chun chen; chule Israel mipi ho jousen nangma napa-a dinga kidah umtah nahichu ajahdiu: chutengle nangma toh umho jouse khuttha chu hatdoh ding ahi, ati. 22#2 Sam 12:11-12. Hitichun amahon Absalom dingin in chunga chun pon inkhat asongun, chuin Absalom chu Israel miho jouse mitmun apa thaikem ho henga aluttan ahi.
23Chule Ahithophel thumop, hiche nikho laija Ahithophel anathumopho chu, mikhatnin Pathen athudop banga ana gelu ahi. David le Absalom dinga jong Ahithophel thumop ho jouse chu hitobang chu anahija ahi.
Actualmente seleccionado:
2 Samuel 16: THADBSI
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.
