Maafîu Tuɛ mɛni ƃóɔɔ
Tuɛ mɛni ƃóɔɔ
Maafîu kɔlɔi ŋí a lôno é pîlaŋ Duŋ Lɛ́lɛɛi ma. Duŋ Lɛ́lɛɛi ŋí ƃa, Zîsɛ ƃé gáa a ŋ̀uŋ ma ƃô nuui. Zîsɛ sarâi ƃé gono têei Ɣâla è wɔ́lɔ gɛ̀ ŋɔnûai yêei Gbanaŋ-woo Kɛ́ɛ Pɔlɔi sui è ŋ̀aa-see kɛ̀ la díyêei. Gono-têei ŋí fé nɔ́ Zûu-ŋai dítee-tee dí mɛ̂ni ma nyíi-ŋai dí Zîsɛ maa sɔlɔ ƃô dísamai, kɛ́lɛ gáa ŋ̀éniɛi gwaa kélee su-ƃelai mɛ̂ni ma.
Maafîu kɔlɔi ŋí puɔɔ̂i kpɔ́ gîe ma a ǹɛ́lɛɛ. Gɔ́ɔ pîlaŋɔɔi Zîsɛ maa sɔlɔ ƃó mɛni-pɔlɔi ma. Gɔlɔi ŋí è Zîsɛ batâi kɛ́ perei ŋá lɛ̀, berei dɛ̂ƃelei è zu-kɔɔŋ lai, berei è pɛ̀lɛ la ŋɔɣâla-woo ƃó tii kɛ́ɛi mai, berei è sɛŋ lɛ́ la nûa diai da berei è nûa ƃàlo la Galalii lɔii-kpiniŋ sui. M̀ɛni-ŋai ŋí pôlu ma, gɔlɔi ŋí a lôno ŋɔ́nɔ é pîlaŋ ziai ma Zîsɛ è gɛ̀ é kúla Galalii é lí Zerusâlɛŋ da m̀ɛni-ŋai Zîsɛ è gɛ̀ ǹɔ́ɔ kûui gbɛɛ-ŋai su, dílɛɛ pâi gbamôi ŋ̀úru su-tíyeŋɔɔ̂i mai da ŋɔmu-siɣe saa yêei mɛni.
Duŋ Lɛ́lɛɛi ŋí a Zîsɛ lɛ̀ a Zɛŋ lɛ́-nuu kɛ́tɛi, nyii wála-wala káa ǹyêei Ɣâla ŋɔtɔ̂ŋ su-kula mɛni mai, wála-wala kɛ́ ƃò ǹyêei a gɛɛ é Ɣâla ŋɔkâloŋ-laai maa mɛ̂ni ŋá lɛ́ nûa dîa. È ŋɔsɛŋ-lɛ́ɛi kpɛ̀tɛ é bú ɣɛli ma mɛni-ŋuŋ lɔ́ɔlu su a tɛɛ-ŋa. Maa-ŋuŋ ƃa, Ǹyéei ma ɣâla-wooi. Ŋ̀âla-wooi ŋí pîlaŋɔɔi Ɣâla Ŋɔkâloŋ-laai su-ƃelai tûa-pere ma. Ǹyaa ƃa dítii kɛ́-pere-ŋai, ŋ̀uŋ ma ƃô kpuai díyêei da ƃɛ́i da pâi liî naai (gɔlɔ-ŋuŋ lɔ́ɔlu é tóo mɛi-feerɛi ma). Veerɛi ƃa, Zîsɛ è ŋɔpôlu-ƃela puu kao feerɛi dítii lɛ̀ dîa (gɔlɔ-ŋuŋ puui). Zaaƃai ƃa, Zîsɛ è lòno a sã́ŋ-woo ŋa é pîlaŋ Ɣâla Ŋɔkâloŋ-laai ma (gɔlɔ-ŋuŋ puu kao saaƃai). Ǹáaŋ ƃa, Zîsɛ è sɛŋ lɛ̂ é núu pôlu nuu maa mɛ̂ni ŋá lɛ́ ǹûai dîa (gɔlɔ-ŋuŋ puu kao lɔ́ɔlu mɛi saaƃai). Ǹɔ́ɔlui ƃa, Zîsɛ è sɛŋ lɛ̂ é pîlaŋ ŋ̀éniɛi kpɛɛ tãi ma da Ŋ̀âla-taa Kâloŋ-laai maa mɛni (gɔlɔ-ŋuŋ buu feerɛ kao náaŋ é tóo buu feerɛ kao lɔ́ɔlui ma).
M̀ɛni-ŋûŋ-ŋai gɔlɔi ŋí sui
Zîsɛ Kôrai suu pîlaŋ pere da berei dí m̀aa sɔlɔ ƃô lai (1:1--2:23)
Batâi kɛ́-nuui Zɔ̂ŋ ŋɔtíi maa mɛni-pɔlɔi (3:1-12)
Zîsɛ ŋɔbatâi kɛ́ mɛni da berei dɛ̂ƃelei è zu-kɔɔŋ lai (3:13--4:11)
Zîsɛ è ŋɔtíi kɔ́ɔ pìlaŋ Galalii (4:12--18:35)
É síɣe Galalii é lí Zerusâlɛŋ (19:1--20:34)
Nɔɔkuui gbɛɛ ŋái Zerusâlɛŋ da ǹaa kɔlɛ ma kpiniŋ sui (21:1--27:66)
Zîsɛ è m̀u-siɣe saa yêei é kúla ŋɔpôlu-ƃelai da-ŋa ŋɛ́i (28:1-20)
Actualmente seleccionado:
Maafîu Tuɛ mɛni ƃóɔɔ: KWB
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión