မတ်ႈ 10

တမၢၼ်ႇၸဝ်ႈသိပ်းသွင်ပႃး

(တူၺ်း၊ မႃႇ 3:13-19။ လု 6:12-16)

1 ၸဝ်ႈယေႇသု၊ႁွင်ႉဢဝ်တပႄးၸဝ်ႈသိပ်းသွင်ပႃးၼၼ်ႉသေယဝ်ႉ၊ဢၢပ်ႈပၼ်တၼ်းၶူဝ်းဢၼ်ပႄႉၼႅင်ႇလႄႈႁေႃႈၽိူဝ်ႉႁေႃႈၽီတင်းလၢႆဢွၵ်ႇပႅတ်ႈလႆႈ၊ဢိၵ်ႇတင်းဢၢပ်ႈပၼ်တၼ်းၶူဝ်းဢၼ်ႁဵတ်းႁႂ်ႈတၢင်းၶႆႈတၢင်းပဵၼ်ၵူႈၸိူဝ်ႉၵူႈပိူင်ၸိုၼ်ႈႁၢႆလႆႈၼၼ်ႉဢေႃႈ။- 2ၸိုဝ်ႈသဵင်တမၢၼ်ႇၸဝ်ႈသိပ်းသွင်ပႃးၼၼ်ႉၸမ်ႉ၊ၵေႃႉတီႈၼိုင်ႈပဵၼ်သိမုၼ်ႇ၊ဢၼ်လႆႈၸိုဝ်ႈပေႇတရု၊တင်းၼွင်ႉၸၢႆးမၼ်းဢၢၼ်ႇတရေႇ၊ယႃႇၵုပ်ႈ၊တင်းၼွင်ႉၸၢႆးမၼ်းယူဝ်းႁၢၼ်ႇ၊ဢၼ်ပဵၼ်လုၵ်ႈၸၢႆးၸေႇပေႇတႄး။- 3ၽိလိပ်ႉပု၊တင်းပႃႇထေႃးလမႄး၊ထူဝ်းမႃႉ၊ တင်းမတ်ႈထႄႇ၊ဢၼ်ပဵၼ်ၵူၼ်းၵဵပ်းၶွၼ်ႇယႃႇၵုပ်ႈ၊လုၵ်ႈၸၢႆးဢႃႇလၽေး၊တင်းလေႇပေႇ၊ဢၼ်လႆႈၸိုဝ်ႈမႂ်ႇထတ်ႉတေႇ။- 4သိမုၼ်ႇ၊ၵူၼ်းမဵဝ်းၵႃႇၼၼိတ်ႉ၊တင်းယုတႃႉဢိသၵႃႇရေႇဢုတ်ႈ၊ၵေႃႉဢၼ်ဢဝ်ၸဝ်ႈယေႇသု၊ဢၢပ်ႈပၼ်တီႈရၢၼ်ႇသူႇၼၼ်ႉဢေႃႈ။

ၵၢၼ်သႃႇသၼႃႇတမၢၼ်ႇၸဝ်ႈသိပ်းသွင်ပႃး

(တူၺ်း၊ မႃႇ 6:7-13။ လု 9:1-6)

5 ၸဝ်ႈယေႇသု၊ပွႆႇၸႂ်ႉတမၢၼ်ႇၸဝ်ႈသိပ်းသွင်ပႃးၼႆႉသေယဝ်ႉ၊သမ်ႉသင်ႇလၢတ်ႈတီႈၶဝ်လႄႈဝႃႈၸမ်ႉ၊ သူယႃႇပေၵႂႃႇၶဝ်ႈၵႂႃႇၵႃႈၼႂ်းဢိူင်ႇၵူၼ်းတၢင်ႇၸိူဝ်ႉတၢင်ႇၶိူဝ်းၶဝ်၊တင်းဝဵင်းၵူၼ်းမဵဝ်းသမႃႇရိ၊ၶဝ်။- 6ၵႂႃႇၵႃႈတီႈၵူၼ်းမဵဝ်းဢိသရေး၊ဢၼ်ပဵၼ်မိူၼ်ၸိူဝ်ႉၼင်ႇသူဝ်းဢၼ်ၽိတ်းတၢင်းလႄႈႁၢႆၵႂႃႇၸိူဝ်းၼၼ်ႉၵူၺ်းတႃႉ။- 7ၵႂႃႇႁေႃးလၢတ်ႈတြႃးၸဝ်ႈလွင်ႈမိူင်းၵၢင်ႁၢဝ်ၸဝ်ႈတၵ်းတႄႇပဵၼ်ယဝ်ႉၼၼ်ႉတႃႉ။- 8ႁဵတ်းႁႂ်ႈၵူၼ်းၶႆႈၵူၼ်းပဵၼ်တင်းလၢႆၸိုၼ်ႈႁၢႆ၊ႁႂ်ႈၵူၼ်းတၢႆလႂ်ဢသၢၵ်ႈၶိုၼ်းလိပ်းမႃး၊ႁႂ်ႈၵူၼ်းဢၼ်ပဵၼ်တုတ်ႈ#10:8 “တုတ်ႈ” - မိူဝ်ႈလဵဝ်ၼႆႉႁွင်ႉယေႃးၵႃႇတုတ်ႈၼႆႉဝႃႈ၊ “ယေႃးၵႃႇၽျတ်ႈလူင်” လႂ်မူတ်းသႂ်လႄႈႁေႃႈၽီၽိူဝ်ႉတင်းလၢႆဢွၵ်ႇပႅတ်ႈတႃႉ။ ၸိူဝ်ႉၼင်ႇဢၼ်လႆႈႁပ်ႉဢဝ်ၵျေးၸူးလၢႆလၢႆၼၼ်ႉသူၵေႃႈႁဵတ်းပၼ်ၵျေးၸူးလၢႆလၢႆတႃႉ။- 9ယႃႇပေဢဝ်ၶမ်း၊ငိုၼ်းတွင်းသႂ်ႇပႃးၵႃႈၼႂ်းထူင်သၢႆဢႅဝ်သူသေဢိတ်း။- 10ယႃႇပေပႃးထူင်၊ဢမ်ႇၼၼ်ၶူဝ်းၼုင်ႈဢၼ်လိူဝ်၊ဢမ်ႇၼၼ်ဢမ်ႇလူဝ်ႇသႂ်ႇသွၵ်းတိၼ်၊ဢမ်ႇလူဝ်ႇဢဝ်ၶွၼ်ႉတဝ်ႉလႂ်ၵႂႃႇၸွမ်း။ ၵေႃႉဢၼ်ႁဵတ်းၵၢၼ်ၼၼ်ႉထိူၵ်ႈၶၢမ်ႇဢဝ်တၢင်းဢၼ်လဵင်ႉလူတၢင်းၵိၼ်ဢေႃႈ။

11“ၼႂ်းမိူဝ်ႈဢၼ်သူၶဝ်ႈဝၢၼ်ႈပိူၼ်ႈဝဵင်းပိူၼ်ႈၵႂႃႇၼၼ်ႉ၊ ႁႃတူၺ်းၵေႃႉဢၼ်မီးၸႂ်ၸေႇတၼႃႇဢၼ်ၶႂ်ႈႁပ်ႉႁွင်းဢဝ်သူၼၼ်ႉလႄႈၶဝ်ႈယူႇလူၺ်ႈၵၼ်တင်းမၼ်းတေႃႇႁွတ်ႈႁွတ်ႈသူဢွၵ်ႇဝၢၼ်ႈဢွၵ်ႇဝဵင်းၵႂႃႇၼၼ်ႉတႃႉ။- 12မိူဝ်ႈဢၼ်ၶဝ်ႈႁိူၼ်းၵႂႃႇၼၼ်ႉၸိုင်၊ဢဝ်တင်းၵႂၢမ်းမၢင်ႇၵလႃႇလႄႈတၵ်ႉလၢတ်ႈတႃ။- 13ပေႃးၸဝ်ႈႁိူၼ်းၼၼ်ႉႁပ်ႉႁွင်းသူၸိုင်၊မၢင်ႇၵလႃႇတၢင်းၼိမ်ဢၼ်သူတၵ်ႉလၢတ်ႈၼၼ်၊တၵ်းတႄႇယူႇၵႃႈၼႂ်းႁိူၼ်းၼၼ်ႉလႄႈတီႈၸဝ်ႈႁိူၼ်းဢၼ်ဢမ်ႇႁပ်ႉတုင်းဢဝ်သူၼၼ်ႉၸိုင်၊ႁႂ်ႈမၢင်ႇၵလႃႇတၢင်းၼိမ်ၼၼ်ႉၶိုၼ်းမႃးၵႃႈတီႈသူတႃႉ။- 14ပေႃးဢမ်ႇမီးၽူႈလႂ်ႁပ်ႉတုင်းဢဝ်သူ၊ဢမ်ႇထွမ်ႇဢဝ်ၵႂၢမ်းသူၸိုင်၊မိူဝ်ႈဢၼ်သူဢွၵ်ႇၵႃႈတီႈႁိူၼ်းၼၼ်ႉ၊ဝဵင်းၼၼ်ႉၵႂႃႇၸိုင်၊သၼ်ႇၽႅတ်းမုၼ်ႈလိၼ်ဢၼ်ၸပ်းတီႈတိၼ်သူၼၼ်ႉပႅတ်ႈၵႃႈတီႈၼၼ်ႈတႃႉ။- 15ၵဝ်လၢတ်ႈတီႈၸိုဝ်ႈၸႂ်ႈမၼ်းတီႈသူၸမ်ႉ၊ၼႂ်းဝၼ်းဢၼ်ၸီႇယၢင်ႇတြႃးၼၼ်ႉ၊ဝဵင်းၼၼ်ႉတၵ်းလႆႈၶၢမ်ႇၼႃႇသေဝဵင်းသေႃးတုမ်ႇ၊တင်းဝဵင်းၵေႃးမေႃးရႃႉ၊ဢေႃႈ။

လွင်ႈလႆႈၶၢမ်ႇတၢင်းဢၼ်ၼိၵ်ႈၸၢၵ်ႈ

(တူၺ်း၊ မႃႇ 13:9-13။ လု 21:12-17)

16“ၵဝ်ပွႆႇၸႂ်ႉသူၵႂႃႇမိူၼ်ၸိူဝ်ႉၼင်ႇဢၼ်ပွႆႇၸႂ်ႉသူဝ်းၶဝ်ႈၵႂႃႇၵႃႈၼႂ်းၽုင်မႃၼႆးဢေႃႈ။ ပိူဝ်ႈၼႆလႄႈႁႂ်ႈလၵ်းလႅမ်မိူၼ်ငူးလႄႈ၊ ႁႂ်ႈဢူၼ်ႈဢွၼ်ႇမိူၼ်ၸိူဝ်ႉၼင်ႇၼူၵ်ႉတူႈတႃႉ။- 17ဝႆႉသတိတႃႉ။ တၵ်းတေမီးၵူၼ်းၸိူဝ်းဢၼ်တိဢဝ်သူလႄႈဢၢပ်ႈၵႃႈတီႈၶုၼ်လုမ်းလူင်ႁႂ်ႈလႆႈပေႃႉယႅၼ်ႉသူၽၢႆႇၼႃႈၵူၼ်းဢၼ်ၸုဢၼ်တုမ်ၵႃႈၼႂ်းၸရွပ်ႈႁေႃးတြႃးတင်းလၢႆဢေႃႈ။- 18ၵွပ်ႈပိူဝ်ႈၵဝ်လႄႈသူတၵ်းလႆႈၶၢမ်ႇတၢင်းဢၼ်တိုတ်ႉၸၼ်လၢၵ်ႈဢဝ်ၵႂႃႇၸူးၵႃႈတီႈၶုၼ်လူင်လႂ်၊ၵႃႈတီႈၶုၼ်ႁေႃၶမ်းလႂ်၊ႁႂ်ႈလႆႈၶၢမ်ႇသၢၵ်ႈသေႇၶၢဝ်ႇငၢဝ်းတြႃးသိူဝ်ပျေႃႇတီႈၶဝ်၊ဢိၵ်ႇတင်းၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉဢေႃႈ။- 19မိူဝ်ႈဢၼ်ၶဝ်ၸႅတ်ႈသေးသူၼၼ်ႉတၵ်းလႆႈလၢတ်ႈၵႃႈသင်တၵ်းလႆႈၶိုၼ်းတွပ်ႇၵႂၢမ်းၸိူဝ်ႉၼင်ႇႁိုဝ်ဝႃႈၼႆယႃႇပေမႆႈၸႂ်။ ၼႂ်းၶိင်ႇၼႃႇရီႇၼၼ်ႉၵမ်းလဵဝ်၊ၽြႃးပဵၼ်ၸဝ်ႈတၵ်းပၼ်ၶေႃႈၵႂၢမ်းဢၼ်သၢင်ႇထုၵ်ႇၵႃႈၼႂ်းသူပ်းသူဢေႃႈ။- 20ၶေႃႈၵႂၢမ်းဢၼ်တၵ်းလၢတ်ႈၼၼ်ႉယင်းဢမ်ႇၸႂ်ႈၶေႃႈၵႂၢမ်းသူလႄႈပဵၼ်ၶေႃႈၵႂၢမ်းဝိၺိၺ်ႇပေႃႈၸဝ်ႈသူဢၼ်လၢတ်ႈၵႃႈၼႂ်းသူဢေႃႈ။

21“မိူဝ်ႈၼၼ်ႉပီႈၼွင်ႉၼင်ႇၵၼ်ၵၼ်ၵေႃႉၼိုင်ႈလႄႈၵေႃႉၼိုင်ႈဢဝ်ၵၼ်ဢၢပ်ႈႁႂ်ႈလႆႈဢဝ်တၢႆဢေႃႈ။ ပေႃႈၵေႃႈတၵ်းႁဵတ်းၸိူဝ်ႉၼင်ႇၼၼ်ဢဝ်လုၵ်ႈၶဝ်တၢႆဢေႃႈ။ လုၵ်ႈလၢင်းလႂ်ၵေႃႈတၵ်းလုၵ်ႉၽိုၼ်ႉပေႃႈမႄႈၶဝ်လႄႈဢဝ်ဢၢပ်ႈႁႂ်ႈလႆႈၶၢမ်ႇတၢင်းဢၼ်ဢဝ်တၢႆဢေႃႈ။- 22ပိူၼ်ႈၵူႈၵေႃႉတၵ်းၸင်းသူၵွပ်ႈပိူဝ်ႈၵဝ်ဢေႃႈ။ ၼႂ်းဝႃႈၼၼ်သေၵေႃႈ၊ၵေႃႉဢၼ်မၼ်ႈၶိူင်ႇတေႃႇထိုင်ႁွတ်ႈတီႈသုတ်းၼၼ်ႉတၵ်းလႆႈၶၢမ်ႇဢဝ်တၢင်းဢၼ်ၵႄႇၶျွတ်ႈဢဝ်ဢေႃႈ။- 23ပေႃးၵူၼ်းဝဵင်းၼိုင်ႈၼိၵ်ႈၸၢၵ်ႈသူၸိုင်၊ဝႄႈပၢႆႈၵႂႃႇၸူးတၢင်ႇဝဵင်းတႃႉ။ ၵဝ်ဝႃႈတီႈၸိုဝ်ႈၸႂ်ႈမၼ်းတီႈသူၸမ်ႉၸူဝ်ႈဢၼ်သူယင်းဝႄႈပၢႆႈၵႂႃႇၸူးၵႃႈၼႂ်းဝၢၼ်ႈၼႂ်းဝဵင်းဢိသရေး၊ၵႃႈမီးတင်းသဵင်ႈတင်းလူင်ၼႆႉဢမ်ႇပႆႇတၼ်းၸွတ်ႇၸိုင်၊လုၵ်ႈၵူၼ်း၊တၵ်းၵျွမႃးဢေႃႈ။

24“တပႄးဢမ်ႇယႂ်ႇလိူဝ်သေသြႃႇ။ ၶႃႈဢမ်ႇယႂ်ႇလိူဝ် သေၸဝ်ႈ။- 25ပေႃးတပႄးၶိုတ်းထိုင်သြႃႇ၊ၶႃႈၶိုတ်းထိုင်ၸဝ်ႈမၼ်းၸိုင်၊ထုၵ်ႇလီပျေႇၸႂ်ယဝ်ႉ။ ပေႃးပိူၼ်ႈလႃႇၸဝ်ႈႁိူၼ်းလႄႈႁွင်ႉဝႃႈ၊ ‘ပေႇလႃႉၸေႇပုလႃႉ၊’ #10:25 “ပေႇလႃႉၸေႇပုလႃႉ” - ပဵၼ်ၸိုဝ်ႈၶုၼ်ၽီႁၢႆႉၸႃႇတၢၼ်ႇမႃႇၼၢတ်ႈ ဝႃႈၼႆၸိုင်၊ၶဝ်တေဢမ်ႇယဵင်ႈၶႅၼ်းလႃႇၵူၼ်းႁိူၼ်းတင်းလၢႆလႆႈႁိုဝ်း။

လွင်ႈၵေႃႉဢၼ်ထိူၵ်ႈလီၵူဝ်လီႁႄ

(တူၺ်း၊ လု 12:2-7)

26“ပိူဝ်ႈၼႆလႄႈယႃႇပေၵူဝ်ၶဝ်။ လွင်ႈတၢင်းဢၼ်ႁူမ်ႇငမ်းဝႆႉတင်းသဵင်ႈတင်းလူင်တၵ်းဢမ်ႇပိုတ်ႇဢွၵ်ႇမႃးၼၼ်ႉဢမ်ႇမီး၊လွင်ႈတၢင်းဢၼ်လွမ်ႁဵတ်းတဵတ်ႇတဵတ်ႇတင်းလၢႆၼၼ်ႉၵေႃႈ၊တၵ်းဢမ်ႇလႆႈႁုလႆႈႁၼ်ၵေႃႈဢမ်ႇမီးသေၸိူဝ်ႉသေပိူင်၊- 27မဵဝ်းဢၼ်ၵဝ်လၢတ်ႈသူၵႃႈၼႂ်းလပ်းသိင်ႇၼၼ်ႉၶိုၼ်းလၢတ်ႈဢွၵ်ႇၼႂ်းဢၼ်လႅင်းတႃႉ။ သဵင်သွပ်ႉသႅပ်ႉဢၼ်သူလႆႈငိၼ်းၼၼ်ႉ၊ယူႇၵႃႈၼိူဝ်ၸွမ်းႁိူၼ်းလႄႈပၢဝ်ႇသေႃႇတႃႉ။- 28ယႃႇပေၵူဝ်ၵူၼ်းၸိူဝ်းဢၼ်ဢဝ်တူဝ်ၵႃႇယႃႉတၢႆလႆႈၵူၺ်းလႄႈဢမ်ႇၸၢင်ႈဢဝ်ၸႂ်ဝိၺိၺ်ႇတၢႆလႆႈၼၼ်ႉ။ ပိူဝ်ႈၼႆလႄႈၵူဝ်ၸဝ်ႈဢၼ်ၸၢင်ႈဢဝ်ၸႂ်ဝိၺိၺ်ႇပႃးတင်းတူဝ်ၶၼ်ႇထႃႇတၢႆလႆႈၵႃႈၼႂ်းငရၢႆးၼၼ်ႉတႃႉ။- 29ငိုၼ်းဢႃႇသရိ#10:29 “ငိုၼ်းဢႃႇသရိ” - ငိုၼ်းဢၼ်ဢမ်ႇပေႃးမီးၵႃႈၶၼ်ဢၼ်ၶဝ်ၸၢႆႇၸူဝ်ႈပၢၼ်ၸဝ်ႈယေႇသုၼႂ်းမိူင်းဢၼ်ၵူၼ်းရူဝ်းမႃႉၶဝ်ဢုပ်ႉပိူင်ႇၼၼ်ႉဢေႃႈ။ ၶႅပ်းၼိုင်ႈသိုဝ်ႉလႆႈၼူၵ်ႉဢႅၼ်ႇၽႃႉသွင်တူဝ်ဢေႃႈ။ ၵူၺ်းၵႃႈ၊ပေႃးဝႃႈပေႃႈၸဝ်ႈသူယင်းဢမ်ႇပၼ်ဢၶႂၢင်ႉၸိုင်၊ဢမ်ႇလႆႈတူၵ်းၵႃႈၼိူဝ်လိၼ်သေတူဝ်။- 30ပုၼ်ႈသူၸမ်ႉ၊ၶူၼ်ႁူဝ်သူၵူႈသဵၼ်ႈၶၢမ်ႇတၢင်းဢၼ်ၼပ်ႉဢၢၼ်ႇဝႆႉယဝ်ႉ။- 31ပိူဝ်ႈၼႆလႄႈယႃႇပေၵူဝ်။ သူယဵင်ႈၶႅၼ်းမျၢတ်ႈၼမ်ၼႃႇသေၼူၵ်ႉဢႅၼ်ႇၽႃႉၸိူဝ်းၼၼ်ႉဢေႃႈ။

လွင်ႈႁပ်ႉတုင်းဢဝ်ၸဝ်ႈၶရိၸ်ႈ

(တူၺ်း၊ လု 12:8-9)

32“ၽူႈလႂ်သေဢမ်ႇဝႃႈ၊ၵေႃႉဢၼ်ႁပ်ႉတုင်းဢဝ်ၵဝ်ၵႃႈတီႈၽၢႆႇၼႃႈၵူၼ်းတင်းလၢႆၼၼ်ႉ၊ၵဝ်တၵ်းႁပ်ႉတုင်းဢဝ်မၼ်းၵႃႈတီႈၽၢႆႇၼႃႈပေႃႈၸဝ်ႈၵဝ်ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။- 33တီႈၵေႃႉဢၼ်ထဵင်ပႅတ်ႈၵဝ်ၵႃႈတီႈၽၢႆႇၼႃႈၵူၼ်းတင်းလၢႆၼၼ်ႉၸမ်ႉ၊ၵဝ်တၵ်းထဵင်ပႅတ်ႈမၼ်းၵႃႈတီႈၽၢႆႇၼႃႈပေႃႈၸဝ်ႈၵဝ်ဢၼ်မီးယူႇၵႃႈၼိူဝ်မိူင်းၵၢင်ႁၢဝ်ပုၼ်ႉဢေႃႈ။

ဢမ်ႇပၼ်တၢင်းၼိမ်၊မႃးပၼ်တုၵ်ႉၶႃႉ

(တူၺ်း၊ လု 12:51-53။ လု 14:26-27)

34“ၵဝ်မႃးႁႂ်ႈလႆႈပၼ်တၢင်းၼိမ်တီႈလေႃးၵႃႉၼႆႉဝႃႈၼႆယႃႇပေထၢင်။ ၵဝ်မႃးႁႂ်ႈလႆႈပၼ်တၢင်းၼိမ်ဢမ်ႇၸႂ်ႈ။ မႃးပၼ်တုၵ်ႉၶႃႉၶၢၼ်ၸႂ်ဢေႃႈ။- 35ၵဝ်မႃးႁႂ်ႈလုၵ်ႈလၢင်းလႆႈၽိတ်းၵၼ်တင်းပေႃႈ၊လုၵ်ႈယိင်းႁႂ်ႈလႆႈၽိတ်းၵၼ်တင်းမႄႈလႄႈလုၵ်ႈပႂ်ႉႁႂ်ႈလႆႈၽိတ်းၵၼ်တင်းမႄႈဢွၵ်ႇၼၢႆးဢေႃႈ။- 36ရၢၼ်ႇသူႇတူဝ်ၸဝ်ႈၵဝ်ႇတၵ်းပေႃႇဢွၵ်ႇပဵၼ်မႃးၵႃႈၼႂ်းၵူၼ်းႁိူၼ်းၵူၼ်းယေးတူဝ်ၸဝ်ႈၵဝ်ႇၵူၺ်းဢေႃႈ။

37“ၵေႃႉဢၼ်ႁၵ်ႉပေႃႈမႄႈမၼ်းၼႃႇသေၵဝ်ၼၼ်ႉဢမ်ႇထိူၵ်ႈပဵၼ်တပႄးၵဝ်။ ၵေႃႉဢၼ်ႁၵ်ႉလုၵ်ႈယိင်းလုၵ်ႈၸၢႆးၼႃႇသေၵဝ်ၼၼ်ႉၵေႃႈ၊ဢမ်ႇထိူၵ်ႈပဵၼ်တပႄးၵဝ်။- 38ၵေႃႉဢၼ်ဢမ်ႇမႅၵ်ႇသဝ်မႆႉဝႃးမိုဝ်းတူဝ်ၸဝ်ႈၵဝ်ႇလႄႈၸွမ်းပႃႈလင်ၵဝ်ၼၼ်ႉၵေႃႈ၊ဢမ်ႇထိူၵ်ႈပဵၼ်တပႄးၵဝ်။- 39ၵေႃႉဢၼ်ၶတ်းၸႂ်ႁႂ်ႈလႆႈဢသၢၵ်ႈမၼ်းလွတ်ႈၼၼ်ႉတၵ်းလႆႈသုမ်းဢသၢၵ်ႈဢေႃႈ။ ၵေႃႉဢၼ်ၶၢမ်ႇသုမ်းဢသၢၵ်ႈတူဝ်ၸဝ်ႈၵဝ်ႇပုၼ်ႈၵဝ်ၼၼ်ႉၸမ်ႉ၊တၵ်းလႆႈဢသၢၵ်ႈဢေႃႈ။

ဢၵျူဝ်းဢၼ်လႆႈၶၢမ်ႇဢဝ်

(တူၺ်း၊ မႃႇ 9:41)

40“ၽူႈလႂ်သေဢမ်ႇဝႃႈ၊ၵေႃႉဢၼ်ႁပ်ႉတုင်းဢဝ်သူၼၼ်ႉ၊ႁပ်ႉတုင်းဢဝ်ၵဝ်ဢေႃႈ။ ၵေႃႉဢၼ်ႁပ်ႉတုင်းဢဝ်ၵဝ်ၼၼ်ႉ၊ႁပ်ႉတုင်းဢဝ်ၽူႈဢၼ်ပွႆႇၸႂ်ႉၵဝ်မႃးၼၼ်ႉဢေႃႈ။- 41ၽူႈလႂ်သေဢမ်ႇဝႃႈ၊ၵေႃႉဢၼ်ႁပ်ႉတုင်းဢဝ်ပရေႃးၽႅတ်ႈ#10:41 “ပရေႃးၽႅတ်ႈ” - ၽူႈႁေႃးလၢတ်ႈၵႂၢမ်းၽြႃးပဵၼ်ၸဝ်ႈလွင်ႈတၢင်းဢၼ်တၵ်းပဵၼ်မႃးတေႃႈလဵဝ်လႄႈဝၼ်းမိူဝ်းၼႃႈ ၸွမ်းလူၺ်ႈမၼ်းပဵၼ်ပရေႃးၽႅတ်ႈၼၼ်ႉၸိုင်၊ထိူၵ်ႈၶၢမ်ႇဢဝ်ဢၵျူဝ်းဢၼ်ၵိုင်ႇၵၼ်တင်းပရေႃးၽႅတ်ႈဢေႃႈ။ ၵေႃႉဢၼ်ႁပ်ႉတုင်းဢဝ်ၵူၼ်းသိုဝ်ႈတေႃႇၼၼ်ႉ၊ၸွမ်းလူၺ်ႈမၼ်းပဵၼ်ၵူၼ်းဢၼ်သိုဝ်ႈတေႃႇလႄႈထိူၵ်ႈၶၢမ်ႇလႆႈဢၵျူဝ်းဢၼ်ၵိုင်ႇၵၼ်တင်းၵူၼ်းသိုဝ်ႈတေႃႇဢေႃႈ။- 42ၽူႈလႂ်သေဢမ်ႇဝႃႈ၊ၵေႃႉဢၼ်ပၼ်ၵိၼ်ၼမ်ႉၵတ်းၵွၵ်းၼိုင်ႈၵူၺ်းတီႈတပႄးၵဝ်ၵေႃႉဢၼ်လဵၵ်ႉသေပိူၼ်ႈၼႆႉၼၼ်ႉ၊ပိူဝ်ႈဢၼ်မၼ်းပဵၼ်တပႄးၵဝ်လႄႈၵဝ်လၢတ်ႈၵႂၢမ်းသဵတ်ႈၸႃႇတီႈသူၸမ်ႉ၊ၵေႃႉၼၼ်ႉတေလႆႈၶၢမ်ႇဢဝ်ဢၵျူဝ်းမၼ်းတႄႉဢေႃႈ၊” ဝႃႈၼင်ႇၼႆဢေႃႈ။

Actualmente seleccionado:

မတ်ႈ 10: SHNCL

Destacar

Copiar

Comparar