Salmo 24
24
I Mdatah Harì
Ani satu lingag Dabid.
1I Amuito Dwata mfun i klamang banwe na i kdee mnè déén;
i tanà ani na i kdee mto di tah tanà slame nfun Dwata.
2Kenen i fdak i tanà déén di gumngalam yéél;
na toon fangagid i gufdakan dun déén di mahin.
3Tay, kdatah Dwata, simto gablà mnagad di bulul Amuito Dwata
na fusuk di kenen gumnè?
Simto gablà tadag di kanfen?
4Én alò gablà tadag di kanfen i to landè using di tnaloan mdà di salà na matlu i fandaman,
i to là magin di dad ise glut fnaglut,
na i to ku silangan man, “Too tì glut i mangu ani,” ku too glut i manan.
5I to gambet ani banlé i Amuito Dwata kafye,
na dnagitan kenen matlu to, du Dwata i mlé kenen kagalwà.
6Ani gine i kagkah i dad to gablà fdadong di Dwata,
i Dwata gusmalig i gutambulito Dyékob.
7Lanwayu i gufusuk i Mdatah Harì!
Na tooyu lanwa dad labi takab i Bong Gumnè Dwata!
Fafusukyu i too Mdatah Harì!
8Simto i too Mdatah Harì ani?
Dunan Amuito Dwata, i nun gal matu di kasfati,
na i là gfisan.
9Lanwayu i gufusuk i Mdatah Harì!
Na tooyu lanwa dad labi takab i Bong Gumnè Dwata!
Fafusukyu i too Mdatah Harì!
10Simto i too Mdatah Harì ani?
Dunan Amuito Dwata, gumdatah i kdee di tah langit na tanà.
Kenen sa i too Mdatah Harì!
Actualmente seleccionado:
Salmo 24: ITD
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2014, Wycliffe Bible Translators, Inc. All rights reserved.
