Versículos más leídos de la Biblia Pilipai 2

Compartir

Irangrang ngan adada gimi mao ga aparim sapaean ngan gimi mulian mao pade. Be manta adol gimi ga adio gadio ta atada ngan oaeoaemi padengada mambe gid edad kapei ngan gimi. Irangrang ngan gimi kelede kelede alua gimi kekelegimi mao, be manta ailoilo edap ngan luanga oaeoaemi padengada.

Manta lolomi iuot lalaede mambe Iesus Kristus pade ga bedane

Tautaunga ei Deo, be iparpar ngan kisinga matua ele madonga toa lalaede mambe Deo oa mao. Ei itnan ieda kapei toa oa ga idio, ta iuot mambe paeaeanga sapaean. Ei iuot eababa, ta gid panua tigera mambe ei eababa tautaunga. Be idol ei mulian ga isulug ta inasnasi Deo ilinge ta ilongean ei mulian ga imate. Be ei imate sapaean mao. Tipatoto ei ngan abei tabala!

Ngansa Deo kekelen ibokoboko lolomiai ta ikado ga gimi akim nasinga gid kadonga toa ikado ei ga itin igelgel, be ipamatua gimi ngan nasinga gid kadonga toa oa pade.

Tota Deo isoa ei ga ila gadae tau ta idol ieda kapei ga iasal edaeda toa ngada ne. Ta ngan Iesus ieda, gid anggelo ga eababa ga danga toa ngada ne buburiai ga tanoeai ga gadio tanoeai pade ga tikor aed ga linged kelede ta tikeo ga Iesus Kristus ei Maron. Ta ngan kadonga toa ne eine ga tisoa Deo Tamada ieda ga idae kapei.

Ngan lemi kadonga toa ngada ne, irangrang ngan aririak mao ga aoami isokangai mao pade. Akado bedane ngan pasolannga mambe gimi gergeu ton Deo, ga lemi idil eta paeamao mao, ga lolomi aea danga eta mao. Toa bedaoa ta irangrang ngan eaba eta isol gimi ngan posanga mao pade. Tautaunga gimi amamado rabu ngan gid panua tanoeai ad toa titnan edap tutui ta tikakado kadonga papaeamao imata ede ga ede. Be gimi akikisi matua posanga madonga kemi aea ta aot mambe taranga rabu ngan gid. Tota ngan ado toaiua Kristus iluai mulian, eine gimi ga apasolan mambe leg pakurunga eine tautaunga, ngansa naurata kapei toa urag pakpakia ngan, eine itap sapaean mao.

Leg panua kemikemi, tautaunga gimi anasnasi leg posanga somisomi. Be labone nakim gimi akado toa bedane pade. Irangrang ngan anasi leg posanga matageai kekelen mao, be labone namamado aluai ngan gimi, ta nakim gimi amarum ngan nasinga leg posanga ede ga bedane: Amataud ga asamimi be aboko matua ngan pasolannga mambe Deo ibada gimi mulian tautaunga.