Versículos más leídos de la Biblia Zla d’a d’ogolâ 11

Compartir

Sama mi le djivid’a mi sumina, mba mi mbut sama duzîna, sama nga mi he mbiyo ma tched’a mi sumina, a mba hum mbiyo ma tched’a mi.

Sama nga mi he bei djib’era ba na, ahligiyem nga zul avogovok ngola, wani sama abom nga mi he woi d’uo na, mi mbut ni tam houd’a.

Ata yima yam mba ad’enga ti mbana, zulona mi mba mi, wani ned’a ti mba ni ki lulumad’a.

Ata yima suma tak lovot ta ned’a mi sumina a nga d’uo na, suma a pu’î kä, wani suma a fe halasa nata suma de d’al suma ablauna.

Sun nda led’a hi suma d’ingêrîd’a nagu ma harid’ina. Sama ned’a nga mi hal lovota á fe suma.

Sama nga mi tchuk zla d’a aboina yam ndrama aduk sumina, nga mi de woi yam zla d’a gumunda, wani sama mi nga ki djib’er ra iratina, mi ngeyet ni kä kurumu.

Sama we hohowa sumina mi le ni tam djivid’a, wani sama murud’umba mi le ni hliwim tchod’a.

Sama deng tam yam ndjondjoî mambina, mba mi puk kä, wani suma d’ingêrâ a mba d’uf d’igi aguna mi d’uf na.

Ndjondjoîd’a nga d’i le va ki sa kur bur ma ayîna d’i, wani d’ingêra nga d’i prut sana woi avun matna.

Suma iratna d’ingêr mazid’a nga d’i tagazi lovota, wani suma mbut ira a nga ba woi kur sun mazi d’a ata yat tuo d’a.

Atcha d’a djif fa bei wäd’u zlad’a ba d’a, ti hle tat d’igi ngangam ma lor ma sana mi gum atchin kozongîna na.

Kilo ma hle ma ata yam mbuo na ni vama ndjendjed’a ir Ma didina, wani kilo ma hle ma ata yama ni vama djivina iramu.