Versículos más leídos de la Biblia Zla d’a d’ogolâ 10

Compartir

B’e vuna hi Ma didinina nga mi mbut sana ma ndjondjoîna, wani nga mi hum hur ma wura kam kua hina nde d’i.

Sama tchit heîna nga mi ba bei le tchod’a d’i, wani sama nga mi ngom vunam ped’etna ni sama wäd’u zlad’ina.

D’ugura nga d’i tchol ki huneîd’a aduk suma, wani od’a nga d’i zlup yam tcho d’a lara ge pet mi.

Sama nga mi le sunda ndjondjoîna mi mbut ni ma houd’a, wani suma a nga le sunda akud’a kekengâ a mbut ni suma ndjondjoîna mi.

Sama nga mi ngom hatina mi hle ni lovot ta i kur arid’id’a, wani sama nga mi noî ngopina mi vit ni tam mbeyo.

Sama mi tit tit ta ata yatina nga mi kak ki halasa, wani sama nga mi tit tit ta ata yat tuo d’ina, ad’um mba d’i ge woyo.

Suma a le mandara Ma didinina a mba te tatâ, wani suma asa’atna a mba ar buruzi avoroziya.

Ma didina nga mi ar sama d’ingêrâ meid’a tchum mbi, wani nga mi d’el suma asa’atna yam ahle suma azi minizina.

Ata yima mbirlimba nga d’i kalâ, nga d’i i ki sama asa’atna, wani sama d’ingêrâ mi arî tchola ngingring burâ ki burâ.